Press "Enter" to skip to content

Kategoria: Berriak

ITHAKA UKATUZ hastera doa!

ithaka_ukatuz ithaka_ukatuz
2018-11-07

Podcast: Play in new window | Download

Gaurkoan irratsaio berri baten aurkezpenarekin gatoz, adi egon eta ez galdu aukera munduan barrena bidaiatzeko. Asteazkenero gela arroxeko giro epela zuen etxetara bidaltzen saiatuko gara Arraioko uhinen bitartez.

Horretarako gonbidatu ezberdinek euren istorio eta esperientziak ahalik eta modu goxoenean azalduko dizkigute. Gaurkoan Iñigo Belartietaren bixita izango dugu gurean; azken 5 urtetan Nikaraguan izandako esperientziak azalduz eta bide batez gaur egun herrialdeak bizi duen egoera korapilotsua esplikatuz.

21:30tatik aurrera zuekin elkartuko garelakoan, izan huntsa!

Basoa Crossfiteko kideak biharko saioan

izerditan blai izerditan blai
2018-11-06

Podcast: Play in new window | Download

Kaixo entzule maite!

Biharko saioan Basoa Crossfiteko kideak izango ditugu gela arroxean. Azken boladan modan jarri den kirol honen inguruko nondik norakoak ezagutzeko baliatuko dugu, nondik datorren, zer egiten den eta gaur egun duen arrakastaren zergatia jakiten saiatuko gara.

Honetaz gain playeroetako kinielako beste jardunaldi bat izango den igande eguerdian gure kinielak ere egingo ditugu. Gogoratu zuk ere zeurea egin dezakezula aurpegiliburuaren bitartez.

Hau dena beti bezala bihar, asteazkena, 20.00tatik aurrera Arraio Irratian, FMko 99.3an!!

Gaztetxeak

Ahuntzaren Gauerdiko Eztula Ahuntzaren Gauerdiko Eztula
2018-11-04

Podcast: Play in new window | Download

Gaurko saioan Iurñeako Maravillas gaztetxeko kide den Xexu izan dugu telefono bidez. Berarekin Maravillas Gaztetxearen inguruan solastu gara, baita Errotxapeako eta, orokorrean, Iruñerriako gaztexeez ere. Ondoren Ioritz izan da gela arroxean, Putzuzulo Amets Frabrikako 13. urteurrena dela eta, egitaraua, asanbladaren osasuna eta aberrez hitzegiten. Jarraian Añorgako Firestone lantegi berreskuratura joan gara Amaiarekin hitzegiteko, hauek ere desalojatzeko arriskuan aurkitzen baitira. Amaitzeko Ibai, gure literatur kolaboratzailea etorri da eta efemeride mamitsu batzuekin amaitu dugu

Gaztetxeak eta kirola gaurko saioan

izerditan blai izerditan blai
2018-10-31

Podcast: Play in new window | Download

Kaixo entzule maite!

Gaurko saioan playeroen ohiko errepasoa egiteaz gain beste gai bat jorratuko dugu. Putzuzulo gaztetxeak 13. urte bete berri dituen honetan, egun hau baliatuko dugu bertan izan diren kirol ekitaldi ezberdinak gogoratzeko. Jendeak aurkakoa uste badu ere etxe honen historian makina bat kirol ekitaldi izan dira eta denak gogoratzen saiatuko gara. Putzuzuloz gain, Euskal Herriko beste gaztetxetan ere kirol ekitaldi edo kirol taldeak ere izan direnez hauen berri ere emango dizuegu. Gogoratu, grabaturiko saioa hau gaur 20.00tatik aurrera izango duzuela entzungai Arraio Irratian, FMko 99.3an!!