Egilea: arraio

Bat, bi, hiru…… hamar, hamaika, hamabi…. hamabost, hamasei, HAMAZAZPI!

Ezkutaketan jolasten ginenean ehun eta norbere urteak zenbatu ohi genituen ezkutatuta zeudenak harrapatzera joan aurretik.
Gure kasuan, hamazazpigarrena zenbatzerako hirugarren gotorlekuan egokitu gara. Hiruputzu gaztetxean, Arraio 3.0!

Santa Marinako garaiak eta Putzuzulo atzean utzi eta etapa berri batean harrapatu du Arraio urteurrenak. Harrapatu gaitu. Harrapatu zaituzte. Harrapatu zaituztegu.

Eskerrik asko urte hauetan zehar entzun, zabaldu edo modu ezberdinetan babesa azaldu diguzuen guztioi.
Beste hainbestegatik, eta gela arroxa zabalik duzuela gogoratuz, topa!

ZORIONAK ARRAIO! 99.3 FM!

Gabonetan Arraio Irratiaren kamixetek izan zuten arrakastaren ostean, kamixeta eta poltsa gehiago egiteko erabakia hartu dugu. Kasu honetan ordea, beltz kolorekoak egingo ditugu.

Gogoratu tailak unisexak direla eta haurrentzat ere prestatzen ditugula, 3-4, 5-6, 7-8, 9-11 eta 12-14 hain zuzen ere.

Inork interesik badu, idatzi info@arraio.net helbidera eta gordeko dizugu.

Podcast: Play in new window | Download

Adi Arraiozaleok! Abenduaren 31ean musika plazan egongo gara irratsaio berezia egiten. Goizeko 11:00etatik aurrera gure programazio berria aurkezteaz gain, Arraio Irratia osatzen duten saioak egongo gara bertan.

Honez gain, Arraioko postua ere jarriko dugu, geratzen zaizkigun kamixeta apurrak eta poltsak saltzeko. Eta gure entzule finenei laguntza eskatu nahi diegu. Irratiko musika berritu nahi dugu eta zuen gustoko musika ekartzera gonbidatu nahi zaituztegu

Badira hilabete batzuk Arraio Irrati berrian lanean gabiltzala. Dinamika horri, Arraio 3.0 dinamika deitu diogu. Irratia ia prest dugu eta laste gure irratsaio propioak nahiz parrila estreinatuko dugu.

Baina irrati berria eraikitzeko esfortzu ekonomiko nahiko handia egin behar izan dugu eta honi buelta emateko zure laguntza behar dugu.

Hortaz, Arraio Irratiaren logo berriarekin kamixeta eta poltsak aterako ditugu laster. Eta hau aurrera eramateko, aurre-salmenta moduko bat prestatu dugu.

Beraz, irrati proiektu hau lagundu nahi baduzue, idatzi info@arraio.net helbidera eta egin zure eskaria mesedez. Aldez aurretik milesker!