Press "Enter" to skip to content

Egilea: ithaka_ukatuz

Adi!!!

Gaurkoan tamalez ez da Ithaka Ukatuz irratsaiorik izango. Irratitiz haratago doazen arazo batzuk medio, gaurkoan ez dugu bidaiatzeko aukerarik izango. Barkatu eragozpenengatik eta bi aste barru indartsuago itzuliko garelakoan gaude!!

Borroka ezberdinak ezagutzeko bidaia

Askapenak brigada internazionalistak antolatzen ditu zenbait herrialdetako borroken berri bertatik bertara izateko, esperientzia horiek ekartzeko eta Euskal Herriko askapen borroka zabaltzeko. Gaurkoan guzti honen inguruan jardungo gara Hodei Iruretagoiena eta Iraitz Gesalagarekin, edo Zirri eta I jauna bezala ezagunagoak Arraioko uhinetan.

Munduko beste txokoak ezagutzeko aukera desberdin eta interesgarri honen inguruko solasaldiaz gozatzeko 21:00etatik aurrera Fmko 99.3an izango gaituzue!

Begirada ezberdin bat Asiatik

Aspaldian bisitatu ez dugun Asiara itzuliko gara gaurkoan Itsaso Garinen eskutik. Herrialde ezberdinak ezagutzeaz gain, bertako ahotsa eta begirada gerturatuko dizkigu, etxean bezala edo hobeto sentitu den txokoen inguruko bizipenak gurekin elkarbanatuko dituelarik.

Uhinen bidez bere goxotasunaz eta irribarreaz gozatzeko aukera ez galdu 21:00etatik aurrera Fmko 99.3an!