Press "Enter" to skip to content

Egilea: ithaka_ukatuz

Gela arroxetik Hego Amerikara!

Ia-ia ahaztu ere egin gara gela arroxetik emititzea zer den, baina gaurkoan bertatik jardungo gara zuzen-zuzenean! Hau da poza hau!

Itzulera hau ospatzeko irratsaio eder batekin gatoz, eta konfinamendu garai honetan ameztu ditugun bidaia eder horietako baten aurrean gaudela esango genuke. Ainhoa Arruti izango dugu gure uhinetan 2019 amaieratik Covid-19a gure bizitzan sartu arte egin zuen bidaia azaltzeko asmoarekin.

Prestatu motxilak, birus honek ez gaitu denbora gehiago etxeko lau pareten artean mantenduko eta! 21:00tatik aurrera Fm-ko 99.3an izango gara bidaia ezin interesgarriago batekin!

Aspaldikoooooooo

Izenburuan esaten dugun bezala aspaldian zuengandik urrunduta gabiltza, baina ez pentsatu zuetaz ahantzi garenik, inoiz baino gogo gehiago ditugu gela arroxera itzuli eta ahazteko zailak diren abentura berrietaz gozatzeko.

Konfinamendu garai honetan gauzak ordenatzeko parada izan dugu zuetako askok bezala, eta aurkitutako relikia horien artean duela urte batzuk Aitor Azpirozek Bitakora Kaieran egindako elkarrizketa berezi hau topatu dugu.

Afrikan barrena bidaiatu nahi baduzue eta zuen hurrengo bidaiarekin amesten hasi 21:00etatik aurrera sintonizatu Arraio!

Bitakora Kaiera bueltan da!

Gaur egungo egoera berezia ikusirik, Arraion ere irratsaio bereziak emititzen ari gara. Ithaka Ukatuz saioak iraganera egingo du bidaiatxoa gaurkoan, hain zuzen ere 9 urte atzera eginez eta Bitakora Kaieraren remember bat burutuz. Ithakak, Arraioren uhinetan, Bitakoraren testigua hartu zuela esan daiteke, eta honekin omenalditxo txiki bat egin nahi diogu.

Baina honek ez du esan nahi Willy Fog ez dela zuekin izango, gaurko programan bera izango baita gonbidatu berezia. Bai, apur bat gazteago, baina betiko ilusioarekin izango dugu Willy gela arroxetik zuen etxetara sartzeko gogo biziz.

21:00etatik aurrera izan arraio! entzun arraio!

Azkenean hemen da, eta Txilera garamatza!

Eztakigu esaten kosta zaion edo kosta zaigun, baina azkenean gela arroxean izango dugu Jon Aizpurua handia! Denbora da elkarrizketa hau ixteko negoziazioak hasi zirela, eta kontratua sinatzeko garaian gure gorabeherak izan baditugu ere, gaurkoan gozatu ederra hartuko dugulakoan gaude.

Txilera goaz, beraz animatu motxilatxoa egin eta gogoangarria izango den abentura honetan murgiltzera! 21:00etatik aurrera bilakatu zaite Ithakazale!

“Emakume Surflari” proiektuaren baitan bidaiatzen

Monotonia eta errutinarekin hausteko asmotan elkartzen gara hamabostean behin zuekin uhinen bidez, eta gaurko saioak eskema guztiak hautsiko dituelakoan gaude… Emakume surflari proiektuan murgilduta dauden Haize Bolinaga, Uxo Olaskoaga eta Ane Erguin izango ditugu gela arroxean azken gabonetan Maroko aldean izandako bizipenen inguruan solasaldi atsegingarri bat izateko intentzioz.

Beraz badakizu proiektuaren inguruan, Marokoren inguruan edo besterik gabe emakume hauen bizitzeko gogoen inguruan zerbait gehiago jakin nahi baduzu sintonizatu Arraio Irratia 21:00tatik aurrera!!