Zarauzko irrati askea
Podcast: Play in new window | Download
Kosta kasta irratsaioan Salbatore Mitxelena Ikastolako Dbh 4. mailako ikasleak jardungo gara kontu kontari. Bertan, gai ezberdinen inguruan arituko gara, esaterako: 2019ko urrian ospatuko den kilometroak, musika, elkarrizketak, kirola, zozketak, herriko zein munduko berriak, etab. Hilebeteko azken asteazkenetan, iluntzeko 19:00etan izango da, beraz, badakizue, entzun gaitzazue!
Podcast: Play in new window | Download
Aurreko astean huts egin ostean, Juanma datorkigu ZarataZarautz irratsaiora. Ordu eta erdiz gustoko musika jartzen ibiliko zaigu gonbidatua. B Jaunaren baja ere edukiko dugu gaur, baina lasai, datorren astean gurekin egongo da eta.
Irratsaioa podcastean duzue. Playlista berriz HEMEN.
Arraio Irratiaren 13. denboraldikobprogramazioa prest dugu eta nobedade askorekin gatoz gainera!!
Aurreko denboraldiko BAPATEKO UNIBERTSOA, ZARATAZARAUTZ, IZERDITAN BLAI, ATALKA ETA AHUNTZAREN GAUERDIKO EZTULA irratsaioaz gain, saio berriak edukiko ditugu gurean:
GALDE DEBALDE: astelehenero, 21:30etik aurrera. “Lagunen arteko eztabaida klasiko, ez hain klasiko eta surrealistak”. “Iritzi edota paranoiei izen-abizenak edo ezizenak jartzera gatoz”.
KOSTA KASTA: hileko azken asteazkenean, 19:00etatik aurrera. “Ikastolako ikasleek grabaturiko irratsaioa, beraien kezka, galdera eta gai ezberdinen inguruan”.
ITHAKA UKATUZ: asteazkenero, 21:30etik aurrera. “Munduan barrena bidaiatzeko parada ezin hobea izango dugu, modu didaktiko batean ezagutzeko ditugun txoko eta bazter berezien istorio, ezkutaleku, usain eta soinuak begiztatuz”. Saioa azaroaren 7an hasiko da.
HANKAK LURREAN ostegunero, 19:30etik aurrera. “Lurraren gaineko irratsaioa, gure elikagaiak, ohiturak eta paisaiak, alternatibak eta sendagaiak”. Azaroaren 22an hasiko da irratsaioa.
Podcast: Play in new window | Download
Uda goxatu ondoren bueltan gara berriz ere zuen belarriak eta zentzumenak astintzeko gogoz.
Erotika kolektiboari buruz arituko gara, orgiak deitzen diogun gaia joarratuko dugu protagonista desberdinen ahotsak entzunez.
Ezagutu hauen bizipenak eta animatu gurekin jolastera!
Bihar, 21:00 etan!!!!
Podcast: Play in new window | Download
Kaixo entzule maite!
Aurreko astean agindu bezala, biharkoan Getariako Keta Kirol elkarteko BabyAuto Shark taldeko partaideak izango dira gurean. Udan zehar zurrumurru andana egon da talde honen inguruan, frankizian Zarauzko Kirol Elkartean tokirik ez zuela eta erbestera jo behar izan dute.Kontu honen gora beherez gain denboraldi honetan duten erronken berri izango dugu.
Ez da ahaztu behar playerotako 3. jardunaldia ere ate joka izango dugula, beraz, gonbidatuekin kiniela egingo dugu, anima zaitez gure kinielan parte hartzera!
Hau dena beti bezala, asteazkenean 20.00tatik aurrera FMko 99.3an!!
