Udara osoan zehar igande iluntzero izan da Toldotik at! irratsaioa, Danda Gazte Asanbladak eta Gerizak antolatutako Elkartasun Udararen barruan sortutako ekimena. Gaur izan da seigarren eta azken saioa. Beti bezala, aktualitateko berriak, literatura eta musika izan dira entzungai eta baita Elkartasun Udararen balorazioa ere. Toldotik at! amaitu da, baina oraingoz bakerik batere ez omen dute emango.
Podcast: Play in new window | Download
Bosgarren irratsaio honetan Miarritzen osptatu den G7a eta Baiona eta Hendaiako Kontragailurra izan ditugu hizpide: Lander Arbelaitzek han gertatutakoak kontatu dizkigu. Hori gutxi ez eta Ainhoa Baglietto gonbidatu dugu gela arroxera, 47 herritarren aurkako epaiketaren nondik norakoak azaldu eta hurrengo deialdiak gogoratzeko.
Podcast: Play in new window | Download
Elkartasun Udararen barruan sortutako ekimena da Toldotik At! irratsaioa, igande gauetan emititzen dena. Gaur izan da hirugarren saioa eta aurrekoetako aktualitateaz, musikaz eta literaturaz gain, une honetan arriskuan dauden Euskal Herriko gune autogestionatuen egoerak izan dituzte aipagai. Tolosako Ezpala gaztetxea, Errotxapeako gaztetxea eta Eztena gune autogestionatuaz hitz egin dute eta azken horretako kide bati egin diote elkarrizketa.
Podcast: Play in new window | Download
Danda Gazte Asanbladak eta Geriza plataformak antolatutako Toldotik At! Elkartasun Udara ekimenaren barruan, irratsaio berria hasi dute. Udarako mugimenduaren berri emateko alde batetik eta intereseko aktualitateko gaiak jorratzeko bestetik. Berriak, elkarrizketak, literatura eta beste izango da, besteak beste.
Lehen saioan Gerizako eta Dandako hiru kide izan dira Gela Arroxean, udako ekimenaren funtzionamenduaz hitz egiteko.
Igandero iluntzeko 21:00etan Arraio Irratian, 99.3 fm.
Podcast: Play in new window | Download
Kaixo entzule maite!
Azken urtetan bezala aurten ere tourrean turra emateko prest gaude. Aurten berrikuntza bezala tabernaz aldatu eta Arrano tabernatik arituko gara. Oraingo honetan pirineoetako zein alpetako etapak eskainiko ditugu. Uztailaren 20 eta 27an 15.30etatik entzun ahalko gaituzue Arrano taberna zein FMko 99.3tik.
Ez ahaztu porra egiteaz, irabazleak sari potoloa izango baitu. Uztailaren 20an Kilometroen alde antalatu den futbol partida ikusteko 2 sarrera alajaina! Beraz badakizue, ez hutsik egin eta udaran ere jarraiti Arraio entzuten!
