Zarauzko irrati askea
Podcast: Play in new window | Download
Aste honetako ZarataZarautz irratsaioan DisJonnyren bisita edukiko dugu. Piñen talde katalanarekin Kalifornia eta mexikon biran egon zaigu 3 astez eta bizitako esperientzia kontatuko digu gurean, 21:30etatik aurrera.
Atzo eginiko saioa podcastean duzue. Playlista berriz HEMEN.
Podcast: Play in new window | Download
Gaurkoan ere nola ez gonbidatu paregabeak gurekin!!! Zarauzko bi gazte gelako arroxari indarra ematen!! Haizea eta Ibai!!! EZ GALDU!!!
Podcast: Play in new window | Download
Gaurko saioak bi adar nagusi nagusi izango ditu, batetik, garaiko produktuen eta errezeten atalean, gure Arzank chef handia izango dugu. Negu bete beteko barazki bat bertaratuko digu: Azalorea. Honen historia eta propietateak xehatzeaz gain, azalorea saltsa berdean egina aurkeztuko digu, primeran neguko handikeriak jaisteko! Bestetik, Vista-Alegre auzotik, auzo konposta nola egin eta gauzatzen duten azalduko digute. 2012tik hona ari dira konpost-alegreko kideak horretan eta gaurkoan gela arrosara ekarriko digute euren ahotsa. Ostegunero bezala, 19:30 20:30 artean ON egin beraz!
Podcast: Play in new window | Download
Dagoeneko, urte berrian hasita bagaude ere, oraintsu estreinatu diren bi film izango ditugu hizpide biharko Zinema Itsua saioan.
Batetik, gaur estreinatuko den Lou, dantzan jo eta ke, oinak lehertu nahian dokumentalaz arituko gara. Horretarako, Louise ez ezik, Lagun Izoztua ere gurekin izango da, ekoizpenaz eta bizipenez hitz egiteko. Barrutik, ordea, gauzak desberdin ikusten dira eta filma ikustera joandako zarauztarren batekin ere solastuko gara.
Bestetik, Telmo Esnal etorriko da gela arrosera Dantza pelikularen sekretuak kontatzera. Ez hori bakarrik, esku artean dituen proiektuak ere aipatuko dizkigu.
Urteari dantzan emango diogu hasiera! 21:00etatik aurrera, 99.3 FMn.
Podcast: Play in new window | Download
2019ari ongi etorri emateko izugarrizko irratsaioa ate joka daukagu entzule maiteak! Emozioak larruazaletik sabeleraino mugiaraziko dizkigu Axi Iribarren kontakizunak.
Gaurko gonbidatuak Bolivia bezalako herrialde berezi eta ez hain ezagun bat destolestuko digu, bertan daraman urte eta erdian izandako bizipenak aurkeztuz. Gabonetan etxekoen berotara gerturatzearen ondorioz izango dugu artista honen istorioa ezagutzeko aukera. Txoko ederrak aurkezteaz gain herrialdearen egoera errepasatzeko ere aprobetxatuko dugu.
Beraz badakizue, 21:30tatik aurrera sintonizatu Arraio Irratia FMko 99.3an!
