Press "Enter" to skip to content

Bueltan da Ahuntza: greba, greba… greba orokorra!

Kaixo Ahuntzok!

Etenaldi eder baten ondoren, igande honetan itzuliko gara Ahuntzak Arraio Irratiko gela arrosera. Ez gara bakarrik egongo gainera: liburuzainaren kolaborazioaz gain, ELA, LAB eta CNT sindikatuetako kide bana izango ditugu urtarrilaren 30eko greba orokorraren inguruan hizketan. Euskal Herriko Eskubide Sozialen Kartak egindako deialdiaren bueltan arituko gara haiekin. Telefonoa libre izango dugu, beraz, zuen galdera eta iritziei lekua egiteko ere.

Hori dena, igandero bezala, 21:00etatik aurrera Arraio Irratian! FM 99.3!

Igandeko irratsaioan ez ezik, hilaren 30ean ere grebarekin bat egingo du Arraio Irratiak, jarraipen berezi baten bidez. Zarauzko kaleetan gertatzen denaren berri emango dugu zuzenean 10:00etatik aurrera. Denok grebara!

Be First to Comment

Utzi erantzuna

Zure e-posta helbidea ez da argitaratuko. Beharrezko eremuak * markatuta daude