Press "Enter" to skip to content

Kategoria: Ahuntzaren Gauerdiko Eztula

Iñaki Gil de San Vicenteren kolaborazioa!

Iepakaixou!

Igande honetan Iñaki Gil de San Vicente pentsalari marxistaren kolaborazioa izango dugu Ahuntzaren Gauerdiko Eztula irratsaioan. Berarekin internazionalismoaren sorreraz aritu ginen pasa den hilabetean eta horri jarraipena emango diogu.

Ondoren, eta denborarik geratzen bazaigu, maitasun/gorrotozko FMrideak izango ditugu irratsaioa amaitzeko. Guzti hau igande honetan, martxoak 28, gaueko 21:00etatik aurrera FMko 99.3 eta arraio.eus webgunean.

Non dago Mikel? filmaren zuzendaria!

Iepa ia denoi!

Igande honetan ere irratsaio bikain batez gozatzeko aukera izango duzu. Hasteko, gure kolaboratzaile izarra etorriko zaigu, Ahoztar Zelaieta, Tubacex enpresan iragarri zituzten kaleratzeen atzean dauden interesei aurpegia, izena eta abizenak jarriko dizkiogu. Ondoren berriki estrenatu den pelikula bati buruz arituko gara, “Non dago Mikel?” filma hain zuzen, Mikel Zabaltzari buruzkoa. Pelikularen zuzendarietako bat izango da gurekin zuzen-zuzenean, Pitu, Ahuntzon aspaldiko laguna, eta berarekin solastuko gara filmaren inguruan. Ah, eta amaitzeko, nola ez, maitasun/gorrotozko FMrideak.

Hau dena, igande honetan, martxoak 21, 21:00etatik aurrera FMko 99.3an eta arraio.eus webgunean!

Ana Galarraga Ahuntzekin kobiyari buruz!

Iepakaixou!

Igande honetan ere irratsaio berezia egingo dugu. Urtebete igaro da kobiyaren ondorioz lehen aldiz konfinatu ginenetik eta, urteurren hau aitzakitzat hartuta, Ana Galarraga gonbidatu dugu gure gela arroxera. Berarekin pandemiaren erpin ezberdinak aztertuko ditugu, patxadaz eta goxotasunez, eta entzuleei parte hartzeko aukera eskeini nahi dizuegu: egin zure galdera 943 86 81 83 telefonora deituz edo kontrolerako Tuiter enpresa pribatuaren sarean: @ahuntzarraio

Hau guztia, maitasun/gorrotozko efemeride batzuez lagundura, igande honetan, martxoak 14, igandea, gaueko 21:00etatik aurrera, FMko 99.3an eta arraio.eus webgunean.

Martxoaren 8ko ekitaldi eta protagonistak eta Aitziber Saroberen kolaborazioa

Iepa ia denoi!

Igande honetan ere irratsaio bikaina izango da Arraio Irratian, Ahuntzaren Gauerdiko Eztula!

Gaurkoan, lehenik kolaborazioaren tartera Aitziber Sarobe etorriko zaigu, beti bezala, fin-fin, bere hausnarketak partekatzera. Ondoren martxoaren 8aren inguruan izandako ekitaldiak eskeiniko ditugu, grabagailua eskutan hartu eta kalean izan baikara. Zentzu berean, mugimendu feministako kide den Ekhiñerekin izandako elkarrizketa ere eskeiniko dizuegu. Eta irratsaioa amaitzeko, beti bezala, maitasun/gorrotozko efemerideak.

Zuzenean entzuteko sintonizatu igande honetan, martxoak 7, 21:00etatik aurrera zure irratian FMko 99.3a edo konektatu arraio.eus webgunera.

Malintxerekin konexioa Bartolori buruz eta Ahoztar Zelaietaren kolaborazioa!

Iepakaixou!

Hemen gatoz berriz ere irratsaio interesgarri batekin. Igande honetan, otsailaren 28an, hasteko gure kolaboratzaile izarra izango da Arraioko uhin askeetan, Ahoztar Zelaieta. Ondoren, eta pasa den astean hanka sartu ondoren, baiezta dezakegu Bartolo “itxafero mekanikoa” hil zela 30 urte beteko direla igande honetan eta horri buruz hitzegiteko Ahuntzaren Gauerdiko Eztula irratsaioko kide izan den Malintxe izango da gurekin. Bai, aspaldiko partez bere ahots sakona entzuteko aukera ziango duzue! Malintxerekin Bartolo zein zen ezagutzeko aukera izango dugu, eta seguru beste hamaika kontuz ere arituko garela. Amaitzeko, nola ez, maitasun/gorrotozko efemerideak.

Hau dena, igandean, otsailak 28, zuzen-zuzenean gaueko 21:00etatik aurrera FMko 99.3 edo arraio.eus atarian entzungai!