Press "Enter" to skip to content

Kategoria: Berriak

Gizonezkoen eskubaloiko 1.eko taldea biharko saioan

Kaixo entzule maite!

Biharko saioan asteburu honetan protagonista izan den taldeko jokalariak izango ditugu gela arroxean. Zirrara handiko egunak izan dira Aritzbataldeko kiroldegian, iaz galdutako maila berreskuratu baitu gizonezkoen lehendabiziko taldeak. 1. Nazional mailako liga irabazi ostean etxean jokatu dute mailaz igotzeko fasea, zaleen laguntzarekin eta epaileen erabaki eztabaidagarri bat tarteko, helburua erdietsiz. Honetaz guztiaz hitz egiteko gurean izango ditugu Xuban eta Alberto, bihar 20.30tatik aurrera, Arraio irratian, FMko 99.3an!!

“Punk-aren beste aldea” eta jantoki beganoa Hiruputzun

Arraio Irratiaren 18. urteurreneko ekitaldiekin jarraituz, ostegunean, Maiatzaren 23an, “Punk-aren beste aldea” era Jantoki Beganoa edukiko dugu arratsaldeko 19:00etatik aurrera.

Jesusi Etxeberriari buruzko dokumentala da. 81 urteko emakume honek, musika akademia bat izan du 55 urtez Arrasaten, bertatik pasa dira hainbat eta hainbat arrasatear gazte eta guztiekin bat egiten jakin du. Besteak beste musikaren esparru guztietara zabaltzen jakin duelako, baita punkera ere. Bai, Jesusuik gustuko du punka, eta eskuek ez diote dardar egiten gitarra elektrikoa hartzerakoan.

Patiyoko Atzuak 2.15. sayua! Marimin Aizpurua, Arraioko beterana.

Kaixo entzule maiteok,

Arraio Irratiko 18. urteurrena deu hilabete honetan, hortaz, Arraioko beterana elkarrizketatu deu: Marimin! Eskerrik asko gurian izateagatik! 80. hamarkadatik dabil Arraion eta garai haietan egindako programez ez ezik, gerora egin dituen programez jardun gera. Besteak beste, izugarrizko arrakasta izan zuen Atalkaren sortzailea dugu Marimin.

Horretaz gain, Arraiotik pasa diren emakumeen ahotsak ekarri nahi izan ditugu saiora, 80. hamarkadakuak zein azken urteetako emakumeen ahotsak. Eskerrik asko Usua, Maitena, Eli, Maite, Marijo eta Garazi audiyo ear hoiek bidaltzeagatik, programa egin diguzue!

Adi hilabeteko datei, egitarau oparua prestatu dugu eta Arraioko urteurrenerako.

1, 2, 3 TUMAMARRATXA!