Press "Enter" to skip to content

Arraio Irratia 99.3 FM

Gartxot handia Arraio Sessions denboraldiari hasiera emateko

arraiosessions arraiosessions
2026-10-22

Podcast: Play in new window | Download

Denboraldi berriko Arraio Session lehen zuzenekoa omenaldi bezela egingo dugu, Putzuzulon hainbatetan jardundako Igor Jauregi “Gartxot” handiari omenaldi bezala alegia.

Gartxotek berriki agur esan digun arren bere musika betiko gordeta egongo da Arraioko hari musikalean, baita 2008an Putzuzuloko teilatuan, Napoka Hiria bikotearekin eman zuen kontzertua ere, garai hartan Arraio Blues saioak antolatu zuena.

10 euroko behringer mikro batekin grabaturiko zuzeneko itzel hau berreskuratu dugu ostegunean entzun dezazuen, gaueko 21:00etatik aurrera.

Adiorik ez Gartxot!!! Geroarte baizik!

Denboraldiko 1.eko Arnas (t)estua

izerditan blai izerditan blai
2026-10-20

Podcast: Play in new window | Download

Kaixo entzule!

Udazken giroarekin batera datorkigu lehen Arnas(t)estua, gure Ane Muriamendiarazek gidatua. Gela arroxean kirolaren baitan hausnartzeko aukera ematen digun espazio honetan arrakasta kontzeptuaz ariko gara, bereziki, kirol ekitaldiek duten arrakastaren inguruan.

Honetaz gain, nola ez, playerotako beste jardualdi baten atarian gaudenez kiniela ere egingo dugu. Hau guztia, bihar, asteazkena, 20.00tatik aurrera Arraio irratian, FMko 99.3an!

Bueltan gea 21. aldiz!

Ahuntzaren Gauerdiko Eztula Ahuntzaren Gauerdiko Eztula
2026-10-18

Podcast: Play in new window | Download

Iepakaixou ia denoi!

Azkenean hasi dugu gure XXI. denboraldia eta ondo hasteko lan gatazka bati buruz hitzegiten jardun gara. Hain zuzen ere IAT edo ITV pasatzen duten Itsasua izeneko enpresako langileek 99 egun bete dituzte greban. ELA sindikatuko bertako ordezkariarekin solasean aritu gara gaztaka honen erpin ezberdinak aztertuz.

Entzun ezazue!

Patiyoko Atzuak 5.1- Ainara Alkorta artearen inguruan:

atalka atalka
2026-10-18

Podcast: Play in new window | Download

Igande on, entzule maiteok:

Udazkenaren etorrerarekin batera, gure bosgarren denboraldiakin hasi giñan asteazkenian. Aurten ere saioa hilabetian behin ingo deu. Eguna eta ordu, ordia, aldatu inditugu eta asteazkenetan arratzaldeko 18:00tan zuzenean zuen belarrien goxameneako.

Denboraldiai hasiera emateko Ainara Alkorta gure lagun artista gonbidatu genun eta gure lehen saio honetan, Hiruputzuko horma irudia eta beste hainbat kontu izan genitun hizpide. Margolari izateaz gain, Ainara Mäte taldeko abeslaria ere izan da eta jendaurrean aritzeak ematen duen indar horretaz ere hitz egin genun.

Zertaz gehio jardun genun jakiteko bakizue zer in ezta?

Besterik ez, hurren saiora arte 1,2,3 TUMAMARRATXA!