Egilea: Ahuntzaren Gauerdiko Eztula

Podcast: Play in new window | Download

Iepale!

Igande honetan, otsailak 21ean, luxuzko gonbidatu bat izango dugu gure uhin askeetan: Carmen Parejo. Bera, besteak beste, La Comuna aldizkariko zuzendaria da, beste hainbat mediorekin kolaboratzen duelarik noiz behinka. Prostituzioaren gaiari helduko diogu, gaia konplexua dela jakitun garenez, patxadaz hitzegiteko denbora eta aukera izango dugu, erpin eta iritzi ezberdinak aztertuz.

Baina ez da hori bakarrik izango Ahuntzaren Gauerdiko Eztulan, historia aldatu zuten maitasun eta gorrotozko efemerideak ere izango ditugu, igande honetan herriko itxafero mekanikoaren omenez gainera!

Ez hutsik egin eta sintonizatu 21:00etatik aurrera FMko 99.3a edo sartu arraio.eus webgunean, etzara damutuko eta!!!

Podcast: Play in new window | Download

Epakaixou!

Igande honetarako ere maitasun guztiz prestatu dugu irratsaioa. Hasteko Samai-zuloko sorgiña etorriko zaigu bere hilabeteroko kolaborazioa egitera. Ondoren Zaldibar argitu plataformako kide batekin elkarrizketa izango dugu, hondamedia gertatu zenetik urtebete pasa den honetan zertan den egoera argitzeko. Hau gutxi balitz, Katalunia aldera ere begira jarriko gara, gure korrespontsalarekin bertan burutuko diren hauteskundeen inguruan hitzegiteko. Eta amaitzeko maitasun/gorrotozko efemerideak!

Zer gehiago nahi duzu? Kamixeta bat? Ba, deitu zuzenean Arraio Irratira igandean, otsailak 14, gaueko 21:00etatik aurrera eta zure izango da!!! Sintoniza gaitzazu FMko 99.3an edo arraio.eus webgunean.

Podcast: Play in new window | Download

Iepakaixo!

Igande honetako Ahuntzaren Gauerdiko Eztula irratsaioan Iñaki Gil de San Vicenteren kolaborazioa izango dugu irratsaioa hasteko. Ondoren, pasa den igandean burutzerik izan ez genuen elkarrizketa eskeiniko dizuegu. Aitziber Zapirain, Antxeta irratiko kidearekin “Arduraz komunika dezagun” dokumentalaren inguruan jardungo gara solasean, herri komunikabideek erabiltzen dugun hizkera sexistaren inguruan. Eta amaitzeko, nola ez, maitasun/gorrotozko efemerideak!

Guzti hau, otsailaren 7an, gaueko 21:00etatik aurrera, Arraio irratian, FMko 99.3an eta arraio.eus atarian!

Podcast: Play in new window | Download

Kaixo entzule!

Igande honetan, urtarrilak 31, 21:00etatik aurrera irratsaio bete-betea izango dugu. Alde batetik Antxeta irratiko kide den Aitziber Zapirainek zuzendu duen dokumentala izango dugu hizpide, “Arduraz komunika dezagun” . Bertan Euskal Herriko herri hedabideetan egiten den hizkuntzaren erabileraren inguruko gogoeta planteatzen da eta zuzendaria bera izango dugu gure uhinetan. Honez gain, Itaia, emakume sozialisten erakunde sortu berria ere ezagutzeko aukera izango dugu bertako kideen partetik. Kolaborazioaren atalean Aitziber Sarobe etorriko zaigu eta, beti bezala, maitasun/gorrotozko efemerideak ere ez dira faltako.

Zer gehiago nahi duzu astea ongi amaitzeko? Sintonizatu Arraio Irratia FMko 99.3an edo arraio.eus webgunean!

Podcast: Play in new window | Download

Iepa kaixo!

Igande honetan Gipuzkoako hiriburura joango gara etxeratze agindua egurra ematen betearazten ibili diren eskuadroiek sorrarazitako egoera aztertzeko. Hortarako Alde Zaharrako Gazte Asanbladako kideak izango ditugu gure uhin askeetan. Kolaborazioaren tartean, gaurkoan Ahoztar Zelaieta gure korruptologoa etorriko da, kobitaren txertoa tokatzen zitzaiena baino lehen jartzen ibili den jendillajea zein den hobeto ezagutzeko. Amaitzeko maitasun/gorrotozko efemerideak izango ditugu.

Guzti hau, igandean, urtarrilak 24, gaueko 21:00etatik aurrera Arraio irratian, FMko 99.3an eta arraio.eus webgunean!