Zarauzko irrati askea
Podcast: Play in new window | Download
Aste honetan Juanma etorriko zaigu Metalpunk estiloko taldeekin. Azken aldian etorri zeneko irratsaioari segida egingo dio hortaz 21:30etatik aurrera.
Atzoko saioa podcastean duzue. Playlista berriz HEMEN.
Podcast: Play in new window | Download
Ieupakaixo bertsozale!
Aste honetan ere izango da zer entzun Bapateko Unibertsoan. Batetik, “Begirada Kontzienteak” erakusketatik abiatuta, Sanz Enean izan zen bertso-saioa izango dugu aztergai. Bestetik, Santa Agedako bertsoaldi batzuk ere entzuteko aukera izango dugu, Motxian Bertso-eskolakoen eskuzabaltasunari esker. Esther Iztuetaren puntu-eraztunaren ostean, Teleskopiotik 3 urte egingo dugu atzera Joritz Bastarrika eta Jon Maiaren koplaaldia entzunez.
Espaziuntziya abiada biziyan dator aste hontakuan ere, ez galdu!!
Podcast: Play in new window | Download
Kaixo!
Aste honetako irratsaioan bi kolaboratzaile izan ditugu Ahuntzaren Gauerdiko Eztulan. Lehenago ordea, efemerideak sakon aztertu ditugu, otsailaren 4 izanik hainbat gertakari interesgarri pasa baitziren iraganean.
Lehen kolaborazioa Lakatiko Leire Udabek egin digut KoopFabrika-ri buruz eta ondoren bi errezeta goxo egiteko argibideak eman dizkigu. Bigarren kolaborazioa Edurne Epeldek egin du eta martxoaren 8an burutuko den planto feministari buruz aritu gara.
Saioa amaitzeko, errepresioa izan dugu hizpide, azken asteetan izan diren hainbat kasuren berri eman dugularik.
Entzun ezazue!
Podcast: Play in new window | Download
Kaixo entzule maite!
Gaurko saioan Indar Unanue surflari zarauztarra izango dugu gela arroxean. Orain pare bat aste Deban lehiatu zen Sorgiñetxe Big Wave erronka irabazi zuen, froga honetaz gain 2018rako dituen helburuen inguruan arituko gara, baita 2017ko lorpenez ere.
Honetaz gain playeroen 7. jardunaldia izango dute neskek eta mutilek 9.na, beraz, kiniela egitea tokatuko zaigu. Zuek ere badakizue, bertan parte hartzeko facebookeko gure horma bisitatu eta hor egin ahalko duzuela. Saioa beti bezala Arraio Irratian izango duzue entzungai 18.00tatik aurrera, FMko 99.3an!!
Podcast: Play in new window | Download
Hil honetako lehen anabasa egin dugu. Hezkuntzari heldu diogu oraingoan; Zingira eskolako Donna Apellaniz elkarrizketatu dugu Putzuzuloko gela arroxan. Haurrek berez dakarten ikasteko grina lantzen dute eskolan, bakoitzaren erritmoa eta izaera errespetatuz.
Hori bakarrik ez, euskararen inguruko azken berriak ere izan ditugu hizpide.
Beraz, badakizue, belarriak xut ipini biharko errepikapenean, 14:00!
(Irudia: Karkara)
