Category: Izerditan blai


Kaixo entzule maite!!

Ba horixe bera, pasa den ostiralean egin genuen 2017-2018 denboraldiko azken saioa eta oporrak hartu ditugu datorren sasoiari indarrez ekiteko. Hala ere gure presentzia sumatuko duzue herriko kirol ekitaldi ezberdinetan, urrutira joan gabe bihar behar frontoi txikin izango gara Ekaitz 0 kilometro pala txapelketa girotzen. Zuen kirol ikuskizuna girotzeko esataririk behar izan ezkero jarri harremanetan gurekin.

Ondo izan!!

Kaixo entzule maite!

Biharko saioan elkartasuna eta kirola uztartzen dituzten ekimenak izango ditugu mintzagai. Lehendabizi Lasterbidean ekimeneko kide bat izango dugu telefonoz bestalde. Jada seigarren edizioa da Euskal Presoen aldeko lasterketa antolatzen dela eta oraingoan Ondarrun. Frogaren jatorria, nondik norakoak eta aurtengo edizioaren xehetasunen berri izango dugu.

Bestetik, Ekaitz etxeratzearen aldeko pala txapelketa mistoa ere antolatu du Sarek. Elkartasun eta kirol jardunaldi honen berri ere emango dizuegu ahalik eta jende gehiena parte-hartzera animatzeaz gain. Beraz, badakizue, sintonizatu bihar 18.00tan Arraio Irratia FMko 99.3an eta ez galdu saio bikain hau!!

Kaixo entzule maite!

Aste honetan bi elkarrizketa eskainiko dizkizuegu. Lehendabizi eskubaloiko kadete nesken entrenatzailea eta pare bat jokalari izango dira gela arroxean pasa den astean egindako balentriaz hitz egitera. Oraindik ez baldin badakizue estatuko 3. talde onena da Ander eta Garik zuzentzen duten taldea.

Bestalde, larunbatean izango den triatloiaren harira, Begoña Urbitarte gonbidatu dugu gure estudiora. Froga hau behin baino gehiagotan egin du eta bere bizipenen berri emango digu.

Beraz badakizu, ez hutsik egin eta sintonizatu bihar 18.00tan Arraio Irratia, FMko 99.3an!!

Kaixo entzule maite!

Ekaineko lehengo saioan Gari Urangak egingo digu bisita gela arroxera. Hilabete honetan haste da traineruen denboraldia eta horren inguruan arituko gara. Hortaz gain orain arte egindako lana ere aztertuko dugu, negu zein udaberrikoa. Esan gabe doa batel eta trainerillen emaitzak errepasatuko ditugula, hauek direlako traineru denboraldiaren aurrekariak.

Beraz, badakizu, ez hutsik egin eta sintonizatu Arraio Irratia bihar 18.00tatik aurrera FMko 99.3an!!

Kaixo entzule maite!

Biharko saian Haimar Zubeldia izango da gurean, igandean bere izena daraman klasikoa izango dela baliatuz gela arroxean martxa zikloturista honen inguruan arituko gara. Honetaz gain bere ibilbidearen zein erretiroaren inguruan ere jardungo gara.

Bestalde, larunbatean Sagasti plazan jokatuko 4×4 futbitoko txapelketako antolatzaileak izango ditugu gurean. Ekitaldi berri honen nondik norako gehiago ezagutuko ditugu SKAPAkoen ahotik.

Beti bezala, hau guztia entzungai izango duzue, bihar ostirala, 18.00tatik aurrera Arraio Irratian, FMko 99.3an!!

Powered by WordPress & Web Design Company
[ Back to top ]