Category: Izerditan blai


Kaixo entzule maite!

Biharko saioan playeroetako txapeldunak izango ditugu gela arroxean. Pasa den larunbatean jokatu ziren hondartzako futboleko 75. urteurreneko finalak eta bertan Lukas eta Talai Mendi izan ziren kopako txapeldunak, Kebidek eta Asti aldiz ligakoak. Hau jakinik, saioaren lehendabiziko atalean kopako txapeldunak edukiko ditugu eta ondoren ligakoak.

Beti bezala saio entzun nahi baduzu, sintonizatu 20.00tatik aurrera Arraio Irratia FMko 99.3an!!

Kaixo entzule maite!

Biharko saioan denboraldi paregabea burutzen ari diren taldeko ordezkariak izango dira gela arroxean. Bai, asmatu duzuen, aurtengo denboraldi honetako sentsazioa den Txiki Politez ari gara. Talde hau bigarren geratu da Euskal Autonomia Erkidegoko mailan eta asteburu honetan igoera fasean izateko txartela izango dute jokoan. Bertako hiru jokalari gerturatuko zaizkigu aurtengo denboraldia eta asteburuko partiden inguruan hitz egitera.

Honetaz gain, pasa den igandean izan ziren playeroetako final erdiak. Bertan jokatu zuren partiden kronikak eta emaitzak zuenganatuko dizkizuegu. Beraz, adi egon eta ez hutsik egin, beti bezala sintonizatu Arraio irratia FMko 99.3an 20.00etan!!

Kaixo entzule maite!

Biharko saioan herriko taldeen errepasoa egingo dugu, pasa den astean egiterik izan ez genuenez, autogonbidapena medio, oraingoan ez dugu hutsik egingo. Kirol askotan denboraldiko azken txapan sartu dira eta beraien egoera zein den aztertuko dugu, igoerak, jaitsierak, faseak… denetarik izango dugu.

Honetaz gain, igandean plaieroen final erdiak izango dira jokoan Zarauzko hondartzan eta bertan gerta daitekeena aztertuko dugu beti bezala kiniela egitearekin batera.

Denbora izanez gero, herriko beste kirol ekitaldi batzuk ere aipatuko ditugu, “Zarauzko bi harri” lehiaketa besteak beste. Beti bezala, ez hutsik egin eta sintonizatu Arraio irratia, 20.00tatik aurrera FMko 99.3an!

Kaixo entzule maite!

Biharko saioan ere, Euskalduna taldeko mutilen autogonbidapenarekin beteko dugu gela arroxa. Oraingo honetan ere Aitor eta Iñigo etorriko zaizkigu beraien denboraldi gora-beheratsuaz gain plaieroen 75. urteurren honen errepaso bat egitera. Ohitura duten bezala ez dute aho bizarrik, beraz gai ezberdinen inguruan beraien iritzia emango digute, beraz adi egon!

Denborarik baldin badugu herriko taldeen hileroko errepasoa egiten saiatuko gara, baina hori, biharko protagonisten menpe egongo da. Beraz, badakizu, ez hutsik egin eta sintonizatu bihar, asteazkena 20.00tatik aurrera Arraio irratia, FMko 99.3an, agian zutaz ariko baikara!!

Kaixo entzule maite!

Biharko saioan plaieroak izango ditugu mintzagai. Jakingo duzuen bezala, 75. ekitaldia dago jokoan, hori dela eta Zarauzko Kirol Elkarteak ekimen ezberdinak antolatu ditu. Horietako bat larunbat honetan ospatuko da. Martxoaren 23an, 11.00tatik aurrera 66 futbol partida jokatuko dira Zarauzko hondartzan, bi txandetan banatuta. Ondoren bazkaria ere ospatuko da gaur egungo zein lehenago ibili diren jokalariekin. Honetaz guztiaz hitz egiteko bazkaria antolatzeko lanean diharduten bi kide gerturatuko dira gela arroxera.

Honetaz gain, ez dugu ahaztuko pasa den larunbatean izan genuen solasaldia. Hondartzako futbolari susperraldi bat emateko asmoz, bertaratutakoek ideia ezberdinak plazaratu zituzten eta horien berri ematen saiatuko gara.

Beti bezala, sintonizatu Arraio irratia FMko 99.3an bihar, asteazkena 20.00tatik aurrera!!

Powered by WordPress & Web Design Company
[ Back to top ]