Press "Enter" to skip to content

Kategoria: Atalka

Atalka saioan gaur Intxaur Saltsa!!!

atalka atalka
2013-01-17

Iepa kaixo!!!

Lehengo ostegunean abiatu genuen Atalka saioaren denboraldi berria eta gaur bigarren atala izango dugu, Intxaur Saltsa, hain zuzen. Bigarren atal honetan kultura inguruko proiektu eta mugimendu ezberdinak ezagutuko ditugu. Gaurkoan Saioa Cabañas “Gauilunak” argazkilariarekin hitz egingo dugu. Berak abiatu zuen Emarock elkartea ( http://www.emarock.com/ ), Euskal Herrian dauden emakume musikariak ezagutzera emateko eta gainerakoak eszenatokietara salto egitera animatzeko.

Hileroko proposamena ere izango dugu Oihana Leundaren eskutik eta astebururako planak ere proposatuko dizkizuegu.

Hori guztia 21.00etatik 22.00etara, Arraio Irratian!!!

Atalka badatorrrr!

atalka atalka
2012-12-27

Podcast: Play in new window | Download

Iepa kaixo!!

Urtarrilean ATALKA berriro martxan jartzeko ilusioz beterik gatoz!Proiektu berri bat eskeini nahi dizuegu eta horretarako hamaika emakume ahots elkarlanean ariko gara bertan. Hilabetea lau irratsaiotan banatu eta bakoitzean atal ezberdin bat jorratuko dugu. Lehenengo astean Elkarrizketak, bigarrenean Kultura Magazina, hirugarrenean Zinema Itsua eta laugarrenean Gonazpietan lardaxkan saio feminista.

Lau aste,

lau atal,

lau irratsaio,

hamaika ahots Arraioko uhinetan!!Ostegunero gaueko 9tatik 10etara!

Laister geaaa!

Arraio Irratia oporretara doa!!

arraio arraio
2012-06-29

Zarauzko Arraio Irratia oporretara doa San Pelaioen ostean. Gure programazioko irratsaio ia denak jai hartuko dute udan eta irailean itzuliko dira gehienak. Hala ere badira oraindik ere gure uhin libreetan kaka ematen jarraitzeko gogoz daudenak. Udan zehar esaterako, ZarataZarauzko kideak belarriak zulatzen jarraitzeko asmoa azaldu dute asteartero bezala. Kaiolatik saioa ere muxu elektronikoak bidaltzen ibiliko da datozen hilabeteetan eta ZirriMarrakoek ere uztailean zehar egingo dute saioa. Gainontzean, baliteke saio bereziren bat izatea udan eta webgunearen bidez esango dizuegu.

Bestalde, programazioa oporretan egongo bada ere, lan dezente dugu egiteko gure gela arroxean. Irailera begira, irratia berritu asmoz gabiltza eta obratxo batzuk egingo ditugu bertan. Honez gain, antena leku aldatzekotan gabiltza gure seinalea handitu eta hobetu asmoz. Honekin, Zarautzen entzuteaz gain, inguruko herri batzuetan ere emititzea espero dugu, dena ongi badoa.

Irailean sorpresa berri gehiagorekin itzuliko gara, baina bitartean FMko 99.3an edo internet bidez entzun gaitzazkezue.

ROCKUMENTALAK ATALKAn

atalka atalka
2012-06-14

Kaixo arraiozale!

Rockumentalak, Rock musikari edota Rock musikariei buruzko dokumentalak dira. 70 hamarkadan hasi ziren genero honetako lehen filmak sortzen eta urteetan zehar egiten eta zabalduz jarraitu du iharduera honek mundu guztian barrena. Zarautzen ere pelikula mota hauek eta hauekin harremanduriko ekitaldiak (zinea, musika, arte+rocka)ikusteko eta bizitzeko aukera badugu. Izan ere, badira bost urte I love Rock Kultur Elkartekoek Rockumental zikloak antolatzen dituztela. Eta hau guztia azaltzeko, aipatutako elkarteko kide den Jon gonbidatu dugu gaurkoan Atalka irratsaiora. 

Badakizue ba, 21:00tatik 22:00etara osteguneroko zita zure irratian. Gero arrrrrte!

Danel Sanchez ATALKAn

atalka atalka
2012-06-07

Podcast: Play in new window | Download

Kaixo arraiozale!

Uda hastear eta aurtengo ATALKA denboraldia bukatzear, gaurko saioan, Danel Sanchez Martiaren a zarauztarra izango dugu gurekin. 1984 otsailan jaioa. Santxo bezala ere ezaguna. Fazeta ezberdin askotan ikusi duguna. Guk dakigula, badu harremana musikarekin, naturopatiarekin eta baita ikusentzunezkoarekin ere. Elkarrekiko lotura zuzenik ez dutenak ematen dute hasiera batean, baina bere kasuan erlazionatzen dira. Eta hala, esparru hauekin erlazionaturiko afizio eta ofizio gaiak eta Danel bera ezagutzeko aukera izango dugu gaurko tartean. Gero arte!!


Behean duzue atzoko saioa entzungai, gusto baduzue. Gai asko ikutu genituen eta elkarrizketa mamitsua izan zen… On egin!