Press "Enter" to skip to content

Kategoria: Berriak

Antigualeko irratsaioaren aurrenengo denboraldiaren amaiera…

Antigualeko Antigualeko
2023-06-15

Kaixo lagunok!!! Zoritxarrez, azken uneko arazo batzuk direla eta, ezin dugu agurtu lehen denboraldi labur hau irratsaio berri batekin.
Horregatik, gaur, ekainak 15, 21:30tik aurrera, duela aste batzuk Jexux Egaña jauna izugarri interesgarriarekin izan genuen solasalditxoarekin lagatzen zaituztegu.
Eskerrik asko gurekin animatu zaretenoi hamarkada dezente batzuk atzera salto egiten gure gonbidatuen eskutik eta irratsaio hau egiten lagundu diguzuen beste Arraiokide gazte eta ez hain gazte guztiei.
Okerrik ezean, datorren urteko ilbeltzaren bukaeraldean entzuten gara… izan gaiztoak!!!

Denboraldiko azken izerdia

izerditan blai izerditan blai
2023-06-14

Podcast: Play in new window | Download

Kaixo entzule maiteok!

Konturatzerako ekainaren erdira iritsi gara eta honekin batera agur esateko ordua. 2023an hasi genuen denboraldia Hiru putzu gaztetxean, eraikin berria, taldekide berria baina gelak lehengo kolorea, arroxa. Urte honetan gela honetatik igaro diren protagonista gehienen hitzak jaso ditugu beraien denboraldi amaieraren berri izan dezazuen. Atzo bete ziren 17 urte Izerditan blaik lehendabiziko saioa egin zuenetik. Ordutik urtero-urtero herriko kirol kontuak zuen belarrietara iristen saiatu gara, batzuetan hobete, bestetan okerrago, baina beti ilusio handiz. Gaur, denboraldi honetako azken saioa izango da, espero dut gu bezain beste gozatuko duzuela, nola ez, 20.00tatik aurrera Arraio irratian, FMko 99.3an!!