Press "Enter" to skip to content

Kategoria: Berriak

KOSTA KASTAKO 3. IRRATSAIOA – ABENDUAK 26AN

kosta_kasta kosta_kasta
2018-12-26

Podcast: Play in new window | Download

Kaixo Kosta Kastako entzule!
Gaur, abenduak 26, gabonetako irratsaioa emitituko dugu, iluntzeko 19:00etan 99.3 fm-an!
Asteazken honetan, hainbat gai ezberdinen inguruan arituko gara. Alde batetik, ordutegi jarraiaren alde Ikastolan inkesta bat egin duten DBH2ko Aitor Zubiaurre eta Unai Uria elkarrizketatu ditugu. Hortaz gain, Ikastolako lehen irakasleak izan ziren Jone Olaizona eta Begoña Arrizabalagarekin egoteko aukera izan dugu, eta Ikastolaren sorrerako abenturak kontatu dizkigute. Kilometroen atalean, logoa sortu duen Eva Azkue izan dugu eta kirolen atalean, berriz, DBH3ko Ugazi Manterola eskubaloiko jokalari apartak bisitatu gaitu. Oraingoan, Josu eta Unaxek Gabonen inguruan hitz egingo digute eta azkenik, abenduak 3an Ikastolan egin zen festan grabatutako bertso eta abestiak izango dituzue entzungai! Guzti horren tartean, nola ez, hileroko zozketa ere egingo dugu!
Gabon ederrak pasa eta urte berri on!

Sakona Komuntzo Azpeitiko baserri proiektua eta negurako primerako jarabea ttirriki ttarrakan

hankak_lurrean hankak_lurrean
2018-12-19

Podcast: Play in new window | Download

Aste honetako irratsaioan batetik Sara Letamendia izango da gurekin, ohiko sendabelarren atalean, neguko hotz eta gaitzentzat  gure eskura jarabe paregabea bertaratuko digu aizarnarrak: Katarro, eztul, eztarriko min eta bronkioetako arazoentzat jarabe paregabea alegia. Bestetik, proiektu interesgarri baten gainean jardungo dugu ttirriki ttarrakan. Azpeitiko Sakona Komuntzo baserri edo etxaldeko Aiora Etxeberria eta Ioritz Igarataundik sorturiko proiektuaren berri izango dugu. Duela zenbait urte hasi baziren ere barazki ekologikoak ekoizten dagoeneko hainbat saltsatan lan egiten dute; fruituak, kontserbak…  Badakizue beraz aste honetan urteko azken irratsaioa ez galdu!  Ostegunero bezala 19:30-20:30 artean. OSASUNA ETA ASKATASUNA!

Urtea amaitzeko Inkei bisitatxoa

ithaka_ukatuz ithaka_ukatuz
2018-12-19

Podcast: Play in new window | Download

Ate joka ditugu gabonak eta bere topiko guztietatik aldendu nahian, hegazkina hartu eta Peru aldera joango gara. Gaurkoan nahiko zalaparta izango dugu gela arroxean, hiru gonbidatu izango baititugu gurean: Amaia Arruabarrena, Leire Lekuberri eta Sara Garin.

Leire, Txilen ikasketen ondorioz egindako egonaldia aprobetxatuz, kuadrilakoekin Perun elkartu zen bidaia eder batez gozatzeko asmotan. Abenturaz eta algaraz jositako bidaia hau galtzeko beta izango al duzu?

Gaueko 21:30tatik aurrera zuekin egongo gara Fmko 99.3an edo arraio.eus-en!

Herriko taldeen errepasoa, playeroak eta surfa urteko azken saioan

izerditan blai izerditan blai
2018-12-18

Podcast: Play in new window | Download

Kaixo entzule maite!

Urtea amaitzeko herriko taldeen errepasoa egingo dugu. Gu bezala, talde gehienek ere geldialditxoa egingo dute datozen asteetan, beraz, urtea amaitu baino lehen duten egoera aztertuko dugu.

Honetaz gain playeroen kiniela ere egingo dugu, igande honetan izango baitute mutilek lehen faseko azken partida eta neskak hilabete baten ostean berriz ere arituko dira zarautzko hondartzan.

Azkenik, hondartzako erregea Gabriel Medina izango da beste urte betez. Pipelineko uretan garaipena lortuta berriz ere munduko txapeldun bilakatu baita.

Hau dena beti bezala asteazkenean, 20.00tatik aurrera izango duzu, Arraio irratian, FMko 99.3an!!