apirila 2016 – Arraio Irratia 99.3 FM

Lizarriturri Dj doktorearen aurtengo lehen bixita!!!

2016-04-29

Iepa kaixo lagunok, aste honetan aurkezpenik behar ez duen gonbidatua dugu gela arroxean, gure kolaboratzailerik mitikoena, erraz bizi den Lizarriturri Dj doktorea alajaina!!! Eguzkia ateratzean, bera eta bere doinu housero ederrez gogoratzen gara, eta gaurkoan ez da gutxiagorako izango. Bere jakinduria musikalaz gozatu nahi baduzue, sintonizatu fm-ko 99.3a gaur arratseko 20tan!!! Tiger & Woods edota Late Night Tuff GuyÂ bezalako artisten doinu frexko eta dantzagarriak entzunen ditugu!!! UP THE KAIOLS!!!

Martxotik maiatzera egingo dugu salto!

atalka

2016-04-28

Podcast: Play in new window | Download

Martxo Morea urrun gelditu arren, keinu egingo diogu gaurko irratsaioan. Ondoren, ordea, maiatzean etorriko den egitarau oparoa izango dugu hizpide.

Ekimen eta ekimen artean, 4. Mefsst! jaialdia izango da maiatzaren 7an, Putzuzulon, eta antolatzaileei elkarrizketa egingo diegu.

1934611_10154406193969026_8619359621877768511_n_content

Ez galdu gaurko Bolloenea saioa, 21:00etatik aurrera, 99.3 FMn.

2016ko hondartzako txapeldunekin mahai ingurua

izerditan blai

2016-04-26

Podcast: Play in new window | Download

Kaixo entzule maite!

Biharko saioan hondartzako futboleko protagonistak izango dira gurean. Jakingo duzuen bezala joan den igandean izan ziren playerotako finalak eta biharko saioan garaipena lortu zuten taldeen ordezkariak izango ditugu. Ligako txapeldunak Kupela eta Asti izan ziren, kopan aldiz Sakana eta Kutixi. Aurten egin duten liga erregularra, kanporaketak eta final handiaz arituko gara Naxari,Juanan eta lau talde hauetako ordezkariak.

Aparteko saio hau zuzenean entzun nahi baduzu ez hutsik egin eta fin fin jarri irratia FMko 99.3an edo bestela internet bidez entzuteko Arraio irratiko web orrira jo.

Bihar astearte Zaratatsua dugu

arraio

2016-04-25

Podcast: Play in new window | Download

Beste astearte bat iritsi zaigu eta ohikoa den bezela, ordu eta erdiko saio zaratatsua dugu prest. Aste honetan ez dugu gonbidaturik edukiko baina hirukotearen esku geratuko da zuen belarriak zulatzea. Hau dena, beti bezela, asteartean gaueko 21:30etatik aurrera.