Zarauzko irrati askea
Gaur, osteguna, Guatemalako emakume indigenen inguruko hitzaldia izango dugu Zarauzko Putzuzulo Gaztetxean.
Bertan, Guatemalako Consejo de Pueblos indigenas taldeko Maria Velazquez indigena, ezkertiar eta feministak bertako emakumearen egoera azalduko du eta hau guztia Arraio irratiaren bitartez entzuteko aukera izango du bertara hurbildu ezin duenak.
Beraz badakizue, gaur, arratsaldeko 19:00etatik aurrera sintonizatu 99.3a.
Azaroaren 26ko Fuck Txaranga saioan, Gure Irratiak kaleratutako CD bilduma batetaz hizketan ibiliko gara. Ustaritzeko irrati honek, 2006. urtean sute bat jasan zuen eta beraien estudioa guztiz erre zitzaien. Horren ondorioz, diru bilketa bat egiten hasi ziren eta estudio berria finantzatzeko, Gure irratia, Zure RockanRolla CD bilduma kaleratu zuten.
Diska horretan, Kuraia, Lehiotikan, Captain Nemo, Sorkun edota Surfin Kaos bezalako taldeak aurki ditzakegu eta asteazken honetan, arratsaldeko 19:00etatik aurrera gure uhin libreetan entzuteko aukera izango duzue.
Eta aspaldiko partez bi gonbidatu berezi izango ditugu gurean: Makatza eta Lope. Eta zerbezatxo bat hartuz arituko gara bizitzaz, malekoiko farolez eta zutaz eta nitaz hizketan 9etatik 10ak bitartean. Ikus hau eta piztu irratia asteazkenean…
Gaur, asteartea, 21:30etatik aurrera, 77.en urte inguruan Punk mugimendua borobiltzen lagundu zuten taldeak izango ditugu entzungai eta hizpide. Irakiten zeuden doinuak, imaginazioa buruzgain eta denarekin hausteko gogoa zuten jendeak osatuko du gaurko irratsaioa. Clash, Saints, Dead Boys, Generation X, X Ray Spex,… Britainiar zein Estatu Batuetako Punk eztanda zuzenean zuen belarrietara!!!
Eta hurrengo asteartean emakume ahotsez gozaturiko gaua izango duzue. Gaur, azaroak 25, ‘Nazioarteko emakumeen aurkako indarkeria’ren eguna dela eta.
Azaroaren 19ko saioan, Legion, Su ta Gar, Leize, Iron Maiden, Twisted Sister edota Judas Priest bezelako taldeak entzuteko parada izango dugu
Beti bezala, asteazkenero 19:00etatik 20:00tara arraioko uhinetan aurkituko gara.
