Zarauzko irrati askea
Zubietan Errausgailuaren aurka Gipuzkoa Zero Zaborrek eginiko Flash Mob-a sarean duzue iada.
2000 pertsona dantzan hondakinen errausketarentzat moratoria eta Zero Zabor programak abian jar daitezela eskatzeko Martxoan burutu zuten bideo hau eta orain ikusgai duzue. Bejondeizuela!!!
Larunbat honetan, Apirilaren 2an, Gasteizko Printzipal aretoan burutuko den Arabako Bertsolari Txapelketako finala Arraio Irratian entzun ahalko da. Arratsaldeko 17:00etatik aurrera Hala Bedi irratiaren interneteko konexioa lapurtuko dugu final hontaz gozatu dezazuen.
Aurtengo finalean, Rakel Anitua aurkezlea eta Pablo Pagegi gaijartzailearen esanetara Asier Otamendi, Andere Arriolabengoa, Iñaki Viñaspre, Zigor Enbeita, Manex Agirre eta Oihane Perea arituko dira txapela eskuratu nahian. Bertsozaleak zareten guztiok beraz, ez ahaztu Arraio Irratia sintonizatzea arratsaldeko 17:00etatik aurrrera.
Podcast: Play in new window | Download
Martxoaren 31ean Zarauzko Antoniano Aretoan antolaturiko TELP tailerren inguruko hitzaldia entzungai duzue.
Zarauzko Korrika Batzordeak antolatuta, TELP tailerretan parte hartzen duen lagun bat izan genuen hitzaldian. Hitzaldia entzun nahi baduzue, podcastean duzue. Eta bide batez, gogoratu larunbat honetan, Apirilaren 2a, FM bidez entzun ahalko duzuela goizeko 10:00etatik aurrera
Konpromiso musikalak medio, bihar ez da saiorik egongo.
Muse eta U2. Oso gutxik lortu dute bi talde hauek eginikoa: rock-aren eskemak hautsi eta harago joatea, inguratzen gaituen munduarekin inkonformista eta pesimista hutsak ziren generazio oso bat mugiaraztea, unibertsoaren historian betiko biziko diren himnoak munduan zehar zabaltzea. Biak handi, biak desberdin.
Muse U2-ren ordezkatzaile naturala diote askok, baina Bono eta konpainia ez daude prest inoren maisu izateko eta hare gutxiago jubilatzeko. Baina egia da azken urteotan Musek lorutrikoa ez duela beste inork lortu: estadioak bete eta entzulea beste unibertso paralelo batera bidaltzek ahalmena duen alternatiba bakarretakoa bilakatzea.
Lehenaldia orainaldiaren aurka. Orainaldia lehenaldiaren aurka. Entzuleak erabakiko du nork lortuko duen etorkizunaren giltza. Ostegun honetan, martxoak 31, 20:00tan, Highway 9 saioan. Ez galdu!
