Zarauzko irrati askea
Podcast: Play in new window | Download
Astearte honetako ZarataZarautz saioan, Diskoiraakoek Asian zehar eginiko biraren bigarren zatiarekin jarraituko dugu. Aurreko astean hasi ginen bira hontaz hizketan baina ordu eta erdiko saioa motz geratu zitzaigun eta aste honetan jarraituko dugu, beti bezala, gaueko 21:30etatik aurrera.
Podcast: Play in new window | Download
Astelehen honetan, emakumeen nazioarteko egunaren atarian egonik, emakumea eta gartzelaren inguruan arituko gara.
Beti bezala, atzera begira, aktualitatea, errezetak eta abar izango ditugu gurean. Hontaz gain June San Millan Nafarroako Salhaketako kidea elkarrizketatuko dugu, atera berri duten Emakumeak espetxean liburuaren inguruan.
Hala ere aste honetako elkarrizketatua Maite Garate izango da, duela bi aste Arantxa Arrutik proposatu zuen eta baiezkoa eman dio Maitek gure gonbidapenari
Beraz astelehenean ikusten gara 19:30etatik aurrera Arraio irratiko uhinetan.
Iepa kaixo!!! Bueno bueno, gaurkoan gonbidatu bereziak ditugu Kaiolatik-en. Aski ezaguna den Dada-ko urrezko bikotea alajaina!!! Izenik ez dugu emango, kuriosidadea baldin baduzue badakizue zer egin, sintonizatu zuen irratiak 99.3-an arratsaldeko 8tan. UP THE KAIOLS!!
Podcast: Play in new window | Download
Aupa arraiozaleok!
Gonbidaturik ez dugun arren, kontu ugari dakarkigu gaurkoan ere. Ohiko berri, argitalpen, lehiaketa eta sariketez gain, “generoa bertsolaritzan” gaia aztertzeko helburuarekin antolatutako Umorez jardunaldietako hitzaldi batzuek emandakoa  ekarriko dugu gurera. Horretarako, Jone Miren Hernandez, Ander Izagirre, Mikel Otxotorena eta Maddi Oihenarten hitzak bildu ditugu.
Hau eta askoz gehiago, beti bezala, asteazkenero 21:45etatik aurrera, edo errepikapena ostegunetan 15:00tatikaurrera, Arraio Irratian, FMko 99.3an!
Podcast: Play in new window | Download
Hausnarketa eta ospakizunetan murgilduko dira Euskal Herriko emakume abertzale eta feministak martxoko lehen asteburu honetan Leitzan. Izan ere, Euskal Herriko BIlgune Feministak 10 urte bete ditu, eta hamaika egiteko ari direla jakinarazi dute. Izen ematea zabalik dago jada. Hala, topaketa hauen harira, Zarauzko bilgune feministako eta sorgiñak-eko kideak izango ditugu gonbidatu aste honetan Atalkan. Talde bakoitzaren zereginaz,helburuez eta jardunaz gain, zarauzko egoeraz ere hitz egingo dugu. Eta noski, asteburu honetako topaketez ere mintzatuko gara. Topa bada!
Eta gurekin harremanetan jarri nahi izanez gero edo saioan partu hartu nahi izanez gero hor dituzue e-posta (atalka@arraio.net), facebook-a eta telefonoa (943 868183).
