Press "Enter" to skip to content

Kategoria: Izerditan blai

10. urteurrena ospatzeko festa berezia

arraio arraio
2016-05-24

Arraio Irratiaren 10. urteurrenari amaiera bikain bat emateko, sekulako egitaraua antolatu dugu larunbat honetarako, Maiatzaren 28rako.

Goizean hasiko gara, Maiatzaren 14ean egin ezin izan genuen irratsaio bereziarekin. Goizeko 10:30etatik herriko leku ezberdinetan izango gara saioa egiten.

irrati mobila(1)

Honen ostean, bazkaria prestatu dugu Putzuzulo Gaztetxean. Bertan gainera, 10 urte hauetan irratian ibili diren partaideak biltzen saiatzen ari gara. Honez gain, etorri nahi duen edonork tiketak salgai ditu oraindik Eguzki, Arrano eta Mauka tabernetan. Bixi ibili!!!

Bazkalostean, Sozaya orketa-gizonaren emanaldi berezia edukiko dugu. Eta atsaldean txarangarekin herriko kaletatik ibiliko gara.

Gauerako berriz, eta gaueko 22:30etatik aurrera, Skasti eta Blue Beans Zarauztar taldeen kontzertua edukiko dugu. Eta gauari amaiera emateko berriz, DJ Kepoi edukiko dugu musika dantzagarri apur batekin.


Pagoetako mendi lasterketa bihar Izerditan blai saioan

izerditan blai izerditan blai
2016-05-17

Podcast: Play in new window | Download

Kaixo entzule maite!

Biharko saioan Pagoetako mendi lasterketako antolatzaileak izango dira gurean. 2004ean hasi zenetik gora behera asko izan ditu lasterketa honek. Aurten antolakuntza taldea aldatu da, Pagoeta Mendi elkartetik, Ikastolako Guraso elkartera igaro da. Talde berri honekin batera ibilbide aldaketa ere jazo da, jaitsierako bide berria proposatu dutelarik. Antolaketaz, ibilbideaz, parte hartzeaz, sailkapenaz eta egun horrek utzitako ondorioez arituko gara beraiekin asteazkenean 20.00tatik aurrera Arraio Irratian, FMko 99.3an!!

dsc_2327

Saskibaloiko eta eskubaloiko mutilak gaurko saioan

izerditan blai izerditan blai
2016-05-11

Podcast: Play in new window | Download

Kaixo entzule maite!

Gaurko saioan protagonista asko izango ditugu gela arroxean. Lehendabizi saskibaloiko mutilei egingo diegu elkarrizketa, Gurru, Unai eta Okarizi hain zuzen. Joan den igandean pronostiko guztien aurka EBAn jarraitzeko behar zuten garaipena lortu zuten Iñaki Jimenezen mutilek Kantabrian. Aste honetan ere sufritzea tokatu zaie Leihoak Zarautzeko gazteei, azken segundoan Ion Aldalurren hiruko bati esker lortu baitzuten garaipena. Martxo bukaeran sailkapeneko azkenak zirela jakinda zaila da talde honek maila mantendu duela sinestea.

Honez gain eskubaloiko bi ordezkari ere izango dira gurean. Hauek ere garaipen garrantzitsua lortu zuten jaitsiera saihesteko aurkari zuzena zen La Rocaren aurka. Partida honek ere ez zuen emozio faltarik izan, jada denbora agortua zegoenean Xabat Olaizolak lortu zuen bi puntuak ematen zizkion gola, gol ikusgarria benetan. Gauzak honela, beste urtebetez Zarautzen Ohorezko B mailako taldeak ikusiko ditugu jokatzen.

Beti bezala hau dena 20.00tatik aurrea izango duzue entzungai Arraio Irratian, 99.3an!!!

CHICOS_FINAL

bin_20905357_con_11099304_16940_1

Arraio Irratiak 10 urte!!!!

arraio arraio
2016-05-06

Podcast: Play in new window | Download

Maiatzaren 20an Arraio Irratiak 10 urte beteko ditu, bai, 10 urte!!!!!! Eta hau dena ospatzeko ekitaldi sorta ederra antolatu dugu maiatza osorako.

urteurrena 2016

Maiatxak 13, ostirala. Kontzertu akustikoa Ekiza eta Kehsala taldearen eskutik Zarauzko Putzuzulo Gaztetxean. Kontzertua 22:30etan hasiko da eta 5 euro izango da sarrera.

ekizakhesala


Maiatzak 14 larunbata. Irratsaio berezia herriko gune ezberdinetatik. Goizeko 10:30etatik aurrera herriko txoko ezberdinetan egongo gara saio berezia egiten. Azken Portu, San Pelaio, Vistalegre, Santa Marina eta Zelai Ondon izango gara gure estudio ibiltariarekin.

irrati mobila

Maiatxak 19 osteguna. Hitzaldia. Jacue Pascual soziologoa edukiko dugu “Movimiento de resistencia. Años 80 en Euskal Herria” libururuaren inguruan hizketan. Hitzaldia 19:00etan izango da Putzuzulo Gaztetxean.

Maiatzak 28. EGUN HANDIYA!!!!. Larunbatean ederki ospatuko ditugu Arraioren 20 urteak. 14:00etan bazkari herrikoia egingo dugu Putzuzulon, eta bertan, gure entzuleez aparte, irratian 10 urte hauetan ibili den jendea gonbidatu nahi dugu. Sarrerak, Arrano, Eguzki eta Maukan dituzue salgai.

Bazkalostean, txarangarekin kalera joango gara. Eta gauean, 22:30etan Zarauzko Blue Beans eta Skasti taldeak edukiko ditugu. Gaua amaitzeko berriz, DJ Kepoi izango dugu musika jartzen


Herriko taldeen emaitzen errepasoa biharko Izerditan blai saioan

izerditan blai izerditan blai
2016-05-03

Podcast: Play in new window | Download

Kaixo entzule maite!

Aurreko asteko tertuliaren ostean bihar Gerard, PatxiMagic eta Juanan soilik egongo gara Arraio gela arroxean. Aspaldi herriko taldeen berri ematen ez dugunez denboraldi amaiera honetan nola dabiltzan errepasatuko ditugu. Jakingo duzuen bezala rugbyko mutilek ezin izan dute Ohorezko Mailara igo, Aialako neskek denboraldiko bigarren garaipena lortu zuten larunbatean. Maila eusteko borrokan miraria lortzear da Leihoak Zarautz, eskubaloiko mutilek esku-eskura dute datorren urtean Ohorezko B mailan jarraitzeko txartela.

Hau dena izango duzue entzungai beti bezala asteazkenean 20.00tatik aurrera Arrio Irratian Fmko 99.3an!!!

Captura de pantalla 2016-05-02 a la(s) 09.55.36