Kategoria: Ithaka Ukatuz

Podcast: Play in new window | Download

Etxetik atera eta beste ingurune batzuk ezagutzeko edozein aitzakia omen da ona, eta gaurkoan  Nagore Gutierrez eta Eneko Arregi “Konpik” sukaldeko usainei jarraituz abentura ezberdin bat proposatuko digute.

Munduan zehar galduta dauden ertz ezberdinak batera ezagutzeko aukera izan du bikote paregabe honek, eta leku horietan izandako esperientzia kulinarioak gurekin elkarbanatuko dituzte.

Uhinen bitartez jaki goxo horien usaina zuen etxeetara bidaltzen saiatuko gara, beraz asteazkenero bezala 21:30etan puntu puntuan gurekin nahi zaituztegu Arraio Irratian!

Podcast: Play in new window | Download

Txirrindua hartu eta Kyrgyzstan-eko txoko berezienen inguruan jardungo dugu gaurko irratsaioan entzule maiteok. Bai ondo irakurri duzue, KYR-GYZS-TAN!! Eta non dago ba herrialde ezezagun hori?

Horren erantzuna eta hilabetez pedalei ematen izandako esperientziak ekarriko dizkigute gurera gaurkoan Asier Aranburu eta Gorka Lertxundik. Ez dira honelako herrialde ezohikoak ezagutzeko aukerak egunero izaten beraz badakizue…

Arraio Irratian elkartuko gara 21:30etatik aurrera!

Podcast: Play in new window | Download

Gaurkoan gertakizunez eta esperientziaz josita dagoen irla eder bat bisitatzeko aukera izango dugu, hain zuzen ere Kuba. Horretarako gela arroxean Ane Etxeberria eta Markel Eizagirre izango ditugularik euren xelebrekeriak eta bizipenak gurekin elkarbanatzeko asmotan.

Garai batean zoriontasunez josita zegoen Karibeko irla honek gaur egun bizi duen benetako egoera gatazkatsuari errepaso egingo diogu bikote honen begiradatik.

Elkartu gurekin Fmko 99.3an 21:30etatik aurrera eta jarrai dezagun hegalak astintzen!

Podcast: Play in new window | Download

Opor eder batzuen ostean hemen gara berriz ere bueltan eta aste honetako protagonistak Zelanda Berrian ikusi, ikasi eta bizitakoak kontatuko dizkigu gaurko saioan.

Ander Eizagirre, “Risi” bezala ezagunagoa, izango dugu gure uhinetan gugandik oso urrun kokatzen den herrialde honi buruzko nondik norakoak kontatzeko asmotan, bertan 2 aldiz egoteko parada izan baitu.

Beraz sintonizatu 21:30etatik aurrera Arraio Irratia eta gozatu gurekin batera!

Podcast: Play in new window | Download

Garai batean Tutankamon aski ezaguna buru izan zuen herrialdea bisitatzeko parada izango dugu gaurko Ithaka Ukatuz saioan.

Horretarako duela egun gutxi batzuk handik ibili den Harbil Aranburu izango dugu gela arroxean, Willy Fog-en amatxo hain zuzen ere! Denbora askoan ameztu eta ondoren gauzatutako bidaiaren inguruan solasteko asmoz datorkigu gurera.

Asteazkenero bezala 21:30etatik aurrera zuekin izango gaituzue Fmko 99.3an edota arraio.eus-en!