Press "Enter" to skip to content

Kategoria: Ithaka Ukatuz

Indiako beste aurpegia

Iepele!!!

Azken egunetako hego haize zoroa aprobetxatuz bagoaz motxila egin eta beti zirrara berezia pizten duen herrialde bitxi bat ezagutzera. Horretarako gaurkoan Gorka Lizasoren hitz jarioaz gozatzeko parada izango dugu.

Beraz bidaiarien artean hainbesteko zalantza, isu eta zirrara sortzen dituen India harrigarrian izandako esperientziak ez badituzu galdu nahi, 21:00tatik aurrera FMko 99.3an edo arraio.eus-en izango gara!!

BIDAIRIAK 1 – KORONABIRUSA 0

Aupa kaixo!

Inor gutxik espero izan arren hemen da Ithaka Ukatuz covid-19ari erronka bota eta bidaiatzeko asmoekin. Hemen dira Jacques Cousteau eta Willy Fog, eta nola ez hemen dira gobidatuak euren bidaia bikainekin: denboraldi berria hastera doa!!

Gaurkoan azken udan Europan barrena egindako bidaia batekin gatoz eta horretarako Xabier Escudero “Kaxper”, Iker Lizarriturri eta Joxean Del Rey izango ditugu gela arroxean.

Ez galdu ikasturte hasierari ongietorria emango dion irratsaio berezi hau, gonbidatu hauekin algarak, desordena eta kaosa ziurtatu baitauzkagu. 21:00tatik aurrera piztu Arraio!

Salbideko festak girotzen egongo gara!

Aste honetan hasi dugu 2020-2021 irratsaio denboraldia Zaratazarautzen eskutik. Bihar egingo dugu kaleko lehen zuzenekoa Salbide auzotik. Aurtengoan, lehen aldiz ospatuko dituzte auzoko festak eta gu bertan izango gara larunbat goiza girotu asmoz. 11.00tatik 13.00tara bertan izango gara goizeko mural pintaketa zein haurren marrazki erakusketaren berri emanez. Elkarrizketak, musika eta nola ez gure ikasturte berriko albisteak ere izango ditugu mintzagai.

Ez da ahaztu behar gaur egungo egoeran segurtasun neurriak kontuan hartu bertara gerturatu zaitezketela giroaz gozatzera eta horretarako aukerarik ez baduzue FMtik jarraitzeko modua izango duzue. Beraz ez dago aitzakiarik Salbideko auzoko festez ez gozatzeko, animatu!!

Adiorik ez, geroarte baizik!

Iritsi dela Ithaka Ukatuz irratsaioaren bigarren denboraldiari agurra emateko ordua, eta horretarako aurreko ikasturtean bezala azken irratsaio honetan Jacques Cousteau eta Willy Fog-ek elektronika munduan “back to back” bezala ezagutzen den moduan arituko dira.

Urteari errepasoa eginez, hainbat efemeride komentatuz eta nola ez bidaiatuz agurtuko gara. Uhinetan elkartuko gara 21:00etatik aurrera!

Etxetik urrunago ezin!

Azkenengo irratsaioan bezala gaurkoan ere birus madarikatu honek amaitu zuen abentura baten aurrean gaude. Xabo gerturatuko zaigu gela arroxera aurreko urteko ekainean hasiera eman zion bidaia honen nondik norakoak gurekin elkarbanatzeko asmoarekin.

9 hilabete inguru presarik gabe igaro ditu Indonesiatik, Australiatik eta Zeelanda Berritik bertako jendearekin kontaktu zuzena izanik. Gaurkoan ere Ithakara iritsi gabe gozatzea lortuko al dugu? Ziur baietz! 21:00etatik aurrera Arraion izango gara zuen zain!