Zarauzko irrati askea
Podcast: Play in new window | Download
Azken igandeko Ahuntzen irratsaioa, berriro ere, ezin hobea.
“Correscales” tarragona bidean zela, antolatzailetariko batekin izan ginen zuzen zuzenean
Eta bukatzeko, Gonzalorekin izan ginen. “Ingobernables” dokumentalaren egilearekin hain zuzen ere.
Gaur egun mugimendu anarkistak Bartzelonan bizi duen egoera islatzen duen dokumentala
Entzutekoa ezbairik gabe
On egin
Podcast: Play in new window | Download
Kaixo lagunok!
Aste honetan ere elkarrizketa interesgarriekin gatoz. Batetik, 04/2014 sumarioan epaitzear diren bost nafarretako batekin izango gara, Gorka Mayorekin. Auzia, eta batez ere, haren oinarrian dagoen tortura salatzeko #Aztnugal kanpainarekin ari dira egunotan, besteak beste hitzaldiak eta musika jaialdia antolatzen tartean.
Bestetik, Correscales ekimena ere ezagutuko dugu, Movistarreko langileen iniziatibaz sortutako prekarietatearen aurkako korrika. Otsailaren 18tik 22ra, eskuz esku egingo dituzte Bilbo eta Bartzelona bitarteko 800 kilometroak.
Badakizue, 21:00etatik aurrera, Arraio Irratian izango gara! FM 99.3an!
Podcast: Play in new window | Download
Kaixo!
Aste honetan ere saio interesgarria izango dugu. SOS Talaimendiko lagunak izango ditugu gurekin, Talaimendin egiten ari diren Amezti Gain eraikinaren inguruan hitz egiteko. Abokatu baten eskutik ezagutuko ditugu proiektu honen atzean dauden gorabeherak.
Bestetik, aste honetan absolbitutako Unai Vazquezekin ere egongo gara. Askapenaren aurkako auzian epaitu zuten, eta bizitakoaren inguruko balorazioa egingo digu.
Ez ahaztu, igandero bezala, 21:00etatik aurrera Arraio Irratian! FM 99.3!
Podcast: Play in new window | Download
Kaixo lagunak!
Aste honetan ere irratsaio interesgarri batekin gatoz. Egoera ekonomiko eta sozialaren inguruan arituko gara Xabier Arrizabalo Montoro ekonomilariarekin. Madrilgo Complutenseko irakaslea da Arrizabalo, eta kapitalismoaren krisien inguruan aritua.
Iruñera ere joko dugu, TRWko langileekin hitz egiteko. 620 langileetatik 250 kalera bota nahi ditu enpresak. Mobilizazio ugari egiten ari dira azkenaldian: larunbatean 9.000 bat lagun atera ziren kalera Iruñean.
Badakizue, beti bezala, 21:00etatik aurrera, Arraio Irratian! FM 99.3!
Podcast: Play in new window | Download
2015ean burutu ziren udal hauteskundeak irabazi ostean, gonbitea luzatu eta “sala arroxa” ezagutzeko prestutasun osoa adierazi zuen EAJ-ko kidea den Xabier Txurruka alkateak.
Eta azkenean, igande honetan, Urtarrilak 24, Zarauzko alkatea izanen dugu Arraio irratian.
Noski, Ahuntzaren gauerdiko eztula irratsaioko kideak, gure estilo eta ohiturari jarraituz, 20’30etan askari eleante bat egiteko geratu eta irratsaioaren prestaketaz buruz hitzegin beharrean, Palilloren bezpera gaueko abenturak izango ditugu hizpide.
Eta hortik 21’tan gela arroxara, bertsolarien modura… En fin.
Alegia, zuen galderak, eritziak, laudorioak, isekak (ahuntzentzat soilik)… ezinbestekoak izango dira beste behin ere.
Badakizue, Facebook, twitter, email (info@arraio.eus), edota 943868183 tfno zbkiaren bitartez duzue aukera.
Ale baaaa… Adiorik eeeeez
