Zarauzko irrati askea
Iepa kaixo entzule maiteok!
Gaurkoan ez dugu saiorik egingo. Jakin badakigu herriko kirol aslbisteak interesgarrik izan direla baino gaurkoan ez gaituzue entzungo. Gaur 9 urte bete ditu Arrio Irratiak FMko bere bigarren ibilbidean. Hau ospatzeko brindisa antolatu dugu 20.00tan Putzuzulo Gaztetxean, nola ez, zu ere gonbidatuta zaude. Beraz, entzule maiteak bertan ikusiko garelakoan, ondo izan eta jarraitu Arraio entzuten, FMko 99.3an!! Gora Arraio, redio!!!
Podcast: Play in new window | Download
Iepa kaixo entzule maiteak!
Biharko saioan saskibaloiko mutilek egingo digute bixita. Eneko Landa, Izotz Barrio eta Iker Lizarriturri izango ditugu gela arroxean, asteburu honetan Donostian jolastu duten igoera faseaz arituko gara beraiekin. Orain denboraldi batzuk balentria hau bera errepikatu zuten arren uko egin zioten maila horretan lehiatzeari. Aurtengoan honetan ordea zuzendaritzak igoera lortuz gero taldea EBAn ateratzeko arazorik izango ez dela baiztatu zuen denboraldi erdian.
Balentria honetaz gain herriko taldeen emaitza batzuk aipatuko ditugu liga amaiera honetan gauzak estu baitaude kirol askotan.
Hau dena betiko moduan 20.00tatik aurrera izango duzu entzungai, Arraio Irratian, non bestela!!
Podcast: Play in new window | Download
Iepa kaixo entzule maiteak!
Jakingo duzuen bezala, larunbat honetan Aiala eskubaloi taldeak ABF mailan aritzeko txartela lortu zuen Oviedon. Balentria honen inguruan jardungo gara Martin Larrañaga entrenatzailea, Araitz Urtiaga kapitaina eta Andrea Zaldua jolariarekin. Ahaztezina izan den asteburuaren kronika egingo digute aje guztiak alde batera utzita.
Honez gain playerotako finalak ere aipatuko ditugu. Ostiralean emozioz beteriko jardunaldia izan genuen Zarauzko hondartzan eta honen berri emango dizuegu kinielaren emaitzak ahaztu gabe.
Azkenik Eskozia aldera joko dugu, Gerard Brigdek Redphat Albionen berri frexkoak ekarriko dizkigulako. Denboraldi honetan lortutako emaitza bikainei esker mailaz igotzea lortu dutenez gure korrespontsalak bertako berri emango digu.
Podcast: Play in new window | Download
Iepa kaixo entzuele maiteak!
Asteazken honetako saioan gonbidatu berezi batzuk izango ditugu. Beste behin Ketako ordezkariak izango dira gurean aurten lortu duten igoeraren inguruan hitz egiteko. Aurreko astebukaeran lortu zuen Getaiko taldeak lehengo denboraldian galdutako maila berreskuratzea. Orioko taldearekin batera agian datorren urtean eskualdeko 3 talde aurki daitezke ohorezko erregional mailan.
Saskibalioko albisteak ere aipatuko ditugu. Urte hasieran hitza eman zuen bezala Eneko Landa gurean izango da. EBAra igotzeko fasea jolasteko sailkatu du Lehioak Zarautz eta honen inguruan mintzatuko da bihar gurean.
Honez gain playeroak aipatu beharko. Ostiral goizean finalak jokatuko dira zarauzko hondartzan, eta kiniela egiteaz gain ligako finalean lehen aldiz arituko den Txiki Politeko Eukene izango da gurean.
Azkenik ezin ahaztu larunbatean Oviedon eskubaloiko taldeak ABFra igotzeko partida garrantzitsua duela Logroñoko talderan aurka. Denbora izanez gero Australiara egingo dugu zirkuitu nagusiko 3. foga bukatu baita. Gogoratu hau dena asteakenean 20.00tatik aurrera izango duzuela entzungai, Arraio Irratian, non bestela!!
Podcast: Play in new window | Download
Iepa kaixo entzule maiteak!
Biharko saioan, aurrekoan agindu bezala errugbyko kapitain den Josu Galarraga izango da gurekin. Igande hontan jokatu berri dute etxean igoera faseko lehen jardunaldia Alcobendasen aurka. Astebukaera honetan CAU Valentziaren aurka neurtuko dituzte indarrak Valentzian. Ohorezko mailaira igotzeko fase honen inguruan jardungo gara kapitainarekin.
Herriko taldeen emaitzak ere errepasatuko ditugu, eskubaloiko mutilen eta futboleko nesken berdinketa garrantzitsuak esaterako.
Honez gain hondartzako futbola edota playeroen errepasoa ere egingo dugu. Ez ustekoak ez usteko, jada liga eta kopako finalistak zeintzuk diren ezagutzen ditugu. Hemengo protagonista bat gurean izaten saiatuko gara.
Saioaren amaiera aldera surfari tarte bat egingo diogu. Australian maila goreneko hirugarren froga dago jokoan, Drug Aware Margaret River Pro. Emakumezkoak final laurdenen atarian daude, gizonezkoak aldiz finalerdietan.
Azkenik txirrindularitzako berriak ere zuenganatuko dizkizuegu. Igande honetan Zarautzen izango den lasterketaren berri emateaz gain, orain arte herriko ordezkariek lortu dituzten garaipenak aipatuko ditugu. Hau dena betiko moduan, 20.00tatik aurrera Arraio irratian, FMko 99.3an!
