Press "Enter" to skip to content

Hilabetea: maiatza 2015

Hauteskundeen balorazioa

Ahuntzaren Gauerdiko Eztula Ahuntzaren Gauerdiko Eztula
2015-05-31

Podcast: Play in new window | Download

Maiatzaren 24ko udal eta foru hauteskundeek Zarautzen eta Euskal Herrian utzitako panorama aztertuko dugu gaurko saioan. Zarautzen, EAJk jaso zituen boto gehien, eta hark osatuko du gobernua, EH Bilduri lekua hartuta. Xabier Txurruka (EAJ) eta Mikel Goenaga (EH Bildu) zerrendaburuak izango ditugu gurekin.

Euskal Herri mailan, Nafarroa izan da albiste nagusia, erregimena eusten zuten indarrak gutxiengoan geratu ondoren. Aldaketa osatzeko lanean dabiltzanetako batzuekin egingo ditugu elkarrizketak: Laura Perez Podemos-Ahal Duguko Nafarroako zerrendaburua eta Geroa Baiko zerrendakide Maria Solanorekin.

Ez galdu! 21:00etatik aurrera, Arraio Irratian! FM 99.3!

Xanpler-en txanda Kaiolatik saioan!!!

elektrope elektrope
2015-05-29

Iepa kaixo kaiolazaleok!!!! Kaiolatik fest-erako astebete geratzen den honetan, etxeko uztari egingo diogu so. Izan ere, infernuko kobazuloetatik irten eta Xanpler handia gela arroxera itzuliko da!!! Kaiolatik saioaren fundatzaile Elektropeñarekin batera, Elektro bortitza eta Deep gogorra nahiz iluna ditu maite Xan handiak. Bere ibilbidean sorkuntzan jarri du indar gehiena, techno eta elektroa nahasten dituzten abesti bihurriak eginez. Baina nahasketak egiteko ere badu abilezia, eta gaurkoan gure uhin libreetan frogatuko dugu!!! Hurrengo asteko festan bere doinuetaz gozatu ahal izango dugu, eta gaurko saioan bere karta izkutuak erakutsiko dizkigu aurrerapen modura!!! Ez galdu lagunok, infernuko semea bueltan da!!! UP THE KAIOLS!!!

xanpler latigo sellua

Xakea bihar Izerditan blai saioan

izerditan blai izerditan blai
2015-05-26

Podcast: Play in new window | Download

Iepa kaixo entzule maiteak!

Aurreko astean saiorik ez genuenez egin biharkorako saio berezia prestatu dugu. Aspalditik nahi genuen gurean xakeaz hitz egin. Batzuentzek kirola denik zalantzan jartzen duten arren guri oso interesgarria iruditzen zaigu. Herriko kirol elkartean urte dexente daramatza sail honek eta gazte belaunaldi batek gidatzen du gaur egun. Gurean izango dira Bingen xake saileko lehendakaria eta jokalaria eta Erik jokalaria. Kirol honen inguruan gauza berriak ikasteko aukera izateaz gain klubaren gaur egungo egoera eta aurtengo denboraldia errepasatuko dizkigute.

Honez gain EKAPen inguruan ere jardungo gara, beraien manifestua irakurri eta etorkizun hurbil batean bertako pare bat kideri elkarrizketa bat egiten saiatuko gara.

Hau dena beti bezala 20.00tatik aurrera izango duzue entzungai, Arraio Irratian, FMko 99.3an!!

15628424_24848_1