Asteazken honetan eta 19:00etatik aurrera, “Euskara sexista eta ez sexista” mahai-ingurua antolatu dugu elkarlanean Zarauzko Modelo aretoan.
Amagoia Gurrutxagak, Maite Egigurenek eta Irene Arraratsek parte hartuko dute saioan.
Hilabetea: martxoa 2019
Podcast: Play in new window | Download
Kaixo lagunak!
Gaurkoan Altsasutik gatoz zuzenean. Dozenaka mila jende elkartu gara hango gazteen askatasuna eskatu eta espainiar injustizia salatzeko, eta han entzundako hitzak ekarriko ditugu Arraioko uhinetara. Bestetik, Isla aldizkari berria ezagutuko dugu Danda gazte asanbladako kideen eskutik. 0. alea kaleratu berri dute, eta proiektuaren eta landutako edukien arituko zaizkigu.
Igandero bezala, 21:00etatik aurrera Arraio Irratian! FM 99.3! Arraioz(a)harro!
Podcast: Play in new window | Download
Ikasturteko seigarren saioan Zarauzko martxoaren 8ko eguna jarri dugu erdigunean eta telefonoaren bestaldetik, elkarrizketatxoa izan dugu antolaketa-lanetan aritu den Amaia Zalduarekin. Egun horretan izandako bizipenez gain, aurrera begira norbanakoek hausnartu eta kontzientzia hartzen dugun lana azpimarratu du, gogoraraziz, emakumeon* borroka, eguneroko borroka dela.
Euskarazko wikipediak hilabete honetan abian duen lehiaketa ere hizketagai izan dugu. Bertan, aukera dugu Emakumea Historian & Emakumeen Historiaz edukiak sortzeko.
Nymeria, bere aldetik, gaurkoan “Jessica Jones” telesailaren inguruan aritu zaigu eta Eider Rodriguezen bi aipu ere izan ditugu; lehenengoa, “Bihotz Handiegia” eta bigarrena LISIPEk atera berri duen “Idazleen Gorputzak“.
Hilabeteko hitza ere presente izan dugu; beste harribitxi bat gure hiztegitxorako: Ipurdantzaria edo Ttarrapatta, pertsona artega, urduria edo asko mugitzen dena.
Eta amaitzeko, gogoratu, datorren asteazkenean, martxoak 27, Modelo Aretoan mahai-inguru interesgarria izango dugula “Euskara sexista eta ez sexista” gai hartuta.
Podcast: Play in new window | Download
Aste honetako ZarataZarautz irratsaioa entzungai duzu3. Lagun Izoztuak ezin izan zu3n egon baina zarata dosia prest duzue.
Irratsaioa podcastean duzue. Playlista berriz HEMEN.
Podcast: Play in new window | Download
Zubi ederraz gozatu ostean berriz ere hemen gea herrialde berri bat ezagutzeko irrikaz. Gaurkoan Oriotik gerturatuko zaizkigu Amagoia Iribar, Ane Garcia eta Joseba Orella.
Aurreko urtean Uganda bisitatu zuten bertako emakume alargunen elkarte batean proiektu txiki bat aurrera eramanik. Proiektuaren nondik norakoak, bakoitzak zein esparrutan parte hartu zuen eta herrialdearen kuriositate guztiak errepasatuko ditugu asteazkenero bezala 21:30tatik aurrera Fmko 99.3an!
