Press "Enter" to skip to content

Hilabetea: otsaila 2019

Putak Zinema itsuan

atalka atalka
2019-02-28

Podcast: Play in new window | Download

Munduko lanbiderik zaharrena omen da prostituzioa. Baina ezer gutxi ezagutzen dugu atzean ezkutatzen den errealitateaz. Prostituzioaren egungo ezaugarri nagusienetako bat ikusezintasuna baita. Zinemak noiz behinka tartetxo bat egin dio, eta ikuspegi hau da gaurko Zinema Itsuan landuko duguna.

Aspaldiko partez Marlene eta Louise elkarrekin arituko gara entzuleen konpainian.

Beti bezala, gaueko 21:00etatik aurrera FMko 99.3an!

Otsaileko gora beherak eta Hernaniko karabeleko egitasmoa gaurkoan

hankak_lurrean hankak_lurrean
2019-02-28

Podcast: Play in new window | Download

Hileko azken ostegunetan egin oi dugun bezala ttirriki ttarrakan(hankak lurrean), hilabeteari errepasoa emango diogu lehenik, lurraren inguruko  gora behera zenbait iruzkinduz. Bestetik, Hernani aldera joko dugu elkarrizketa nagusiaren tartean. Karabeleko proiektuaren berri emateko Oier  Iurramendi izango dugu. Karabeleko irabazi asmorik gabeko egitasmoa izateaz gain, Esperimentazio zentro irekia da, bai publikoarentzat eta bai barazkigintza ekologikoaren sektoreko profesionalentzat, helburua nekazaritza ekologikoa sustatzea da, eta barazkigintza ekologikoaren ekoizpen eta kontsumo kultura zabaltzea.. Honetaz gain, buru gaixotasuna duten pertsonei eta baztertze arriskuan dauden beste kolektibo batzuei zuzendutako errehabilitazio psikosozialerako zentroa ere bada Karabeleko.  Hona beraz gaurko gure menua, astero bezala arratsaldeko 19:30 20:30 artean arraio irratian, non bestela!!

 

Txapela buruan ta ibili munduan!

ithaka_ukatuz ithaka_ukatuz
2019-02-27

Podcast: Play in new window | Download

Irratsaio ezberdin baten aurrean gaude gaurkoan. Gela arroxean izango dugun gonbidatuak esan daiteke denbora gehiago pasatzen duela munduaren ertzak bisitatzen bere Aia kuttunean baino.

Xabi Azpiazu ez da geldirik egoteko pertsona, eta gaurko saioan ere batetik bestera eramango gaitu, orain arte burutu dituen hainbat bidaia jorratuko dituelarik. Ziur guztiak ukitzeko denbora ez dugula izango, baina lur hartzen dugun txoko bakoitzeko hainbat bitxikeria ezagutuko ditugu.

Zuen belarriekin kontatzen dugu 21:30tatik aurrera Fmko 99.3an.

KOSTA KASTA 5.irratsaioa

atalka atalka
2019-02-27

Podcast: Play in new window | Download

Kaixo entzule maiteok!
Badator otsaileko Kosta Kasta irratsaioa! Gaur, Ikastolako DBH 4. mailako ikasleok gure bosgarren saioa emitituko dugu Arraio Irratiko uhin hauetatik! Oraingoan, hainbat kontu izango dugu mintzagai. Hasteko, martxoak 8ko greba feministaren inguruan arituko gara eta kalera aterako gara iritziak entzuera. Kmk-tako atalean, erropa lan-taldeko Jaione Peña eta Arantxa Iturria elkarrizketatuko ditugu, eta elkarrizketekin jarraituz, Joxepo Teresekin ere elkartu gara bere ibilbidearen nondik norakoen berri izateko. Hortaz gain, kirolen atalean emakumezkoen futbola ekarriko dugu irratira eta amaitzeko, ihauterietarako mozorro proposame batzuk emango dizkizuegu! Tartean, zozketa ere izango da, noski!
Gogoratu, gaur, iluntzeko 19:00etan Kosta Kasta Arraio Irratian!
Piztu 99.3 fm!
Instagram: @kostakasta
Zuzenean ezin baduzu entzun, irratsaioa webgunean entzugai izango duzu:

Bihar herriko taldeen errepasoa eta Kirol Gala Izerditan blai saioan

izerditan blai izerditan blai
2019-02-26

Podcast: Play in new window | Download

Kaixo entzule maite!

Aurreko astean agindu bezala, oraingoan herriko taldeen hileroko errepasoa egingo dugu. Urtarriletik hona izan dituzten emaitzak aztertu eta beraien sailkapenari begirada bat eskainiko diogu.

Honi loturik, pasa den astean izandako Kirol Galan sarituak izan ziren kirolarien zerrenda errepasatuko dugu. Gala honetan 2018an Zarauzko kirolari onenak saritu zituzten eta horren aipua egingo dugu.

Honetaz gain playeroen errepasoa ere egingo dugu, igande eguerdian izan zen jardunaldiko emaitzak aintzat hartuz. Hau dena beti bezala, asteazkenean 20.00tatik aurrera Arraio irratian, FMko 99.3an!!