Press "Enter" to skip to content

Kategoria: Izerditan blai

Rugbyko gazteak gaurko saioan

Kaixo entzule maite! Gaurko saioan Zarautz Rugby taldeko Juan Sorreluzen bisita izango dugu. Garai gorabeheratsu hauetan Ohorezko B mailako liga orain aste batzuk hasi zen eta bi jardunaldi jolastera iritsi dira. Oraingo atseden tartea baliatuko dugu gaur artekoa errepasatu eta datorrenari begiratzeko. Juan iaz ere izan genuen gela arroxean, aste honetan Galdedebalden jardun zen baina gaur saio serio batera etorriko da.

Beti bezala elkarrizketa hau 21.00tatik aurrera entzuteko aukera izango duzu Arraio Irratian, FMko 99.3an!!

Eskubaloi kontuak biharko saioan

Kaixo entzule maite! Alarma egoera honetan gure jardunarekin jarraitzeko asmoa dugu segurtasun neurriak hartu eta ahal dela kirol aktualitatea zuenganatzeko. Oraingo honetan eskubaloiaz arituko gara. Emakumezko zein gizonezkotan 5 jardunaldi igaro dira nahiz eta gure ordezkarien ezin izan dituzten partida denak jokatu. Pandemia garaian nola moldatzen ari diren jakin nahi dugu, entrenamenduak, partiduak, bidaiak… nola prestatzen dituzten. Honetaz gain gizonezkoak ligak ere aldaketa batzuk izan ditugu eta horren inguruan ere galdetuko diegu gerturatuko diren ordezkariei.

Hau dena beti bezala 21.00tatik aurrera, Arraio Irratian, FMko 99.3an!!

Playeruak eta gure Elena Azpeitia freelancearen estreinaldia Karmele Makazagarekin

Kaixo entzule maite!

Biharko saioan playeroetako antolakuntzan dabiltzan bi kide gerturatuko zaizkigu. Denboraldia oraindik hasteko asmorik ez dagoen arren izen ematea zabalik dago. Honen inguruan eta etor daitekeenarekin inguruan arituko gara beraiekin. Bestalde, udako merkatuan Elena Azpeitia freelance moduan aritzeko fitxatu dugu eta bere estreinaldian, Karmele Makazagari egindako elkarrizketa entzuteko aukera izango duzue. Beraz, kirol aktualitatea eta kirolari historiko bati egindako elkarrizketarekin gozatu nahi baduzue ez hutsik egin eta sintonizatu bihar, asteazkena 21.00tatik aurrera Arraio Irratia, FMko 99.3an

ZAEko arraunlariak gela arroxean

Kaixo entzule maite!

Oporrak bukatuta berriz ere hemen gara denboraldi berri bati ekiteko asmoarekin. Sasoi honetan iazko hiru esatariok jarraituko dugu eta osasun egoerak uzten digun kirol aktualitatearen berri ematen saiatuko gara.

Hortaz, biharkoan udan protagonista izan diren ZAEko kideak gerturatuko zaizkigu denboraldi bikain honetaz aritzeko. Beraz, ez hutsik egin eta sintonizatu 21.00tatik aurrera Arraio irratia, FMko 99.3an!!

Salbideko festak girotzen egongo gara!

Aste honetan hasi dugu 2020-2021 irratsaio denboraldia Zaratazarautzen eskutik. Bihar egingo dugu kaleko lehen zuzenekoa Salbide auzotik. Aurtengoan, lehen aldiz ospatuko dituzte auzoko festak eta gu bertan izango gara larunbat goiza girotu asmoz. 11.00tatik 13.00tara bertan izango gara goizeko mural pintaketa zein haurren marrazki erakusketaren berri emanez. Elkarrizketak, musika eta nola ez gure ikasturte berriko albisteak ere izango ditugu mintzagai.

Ez da ahaztu behar gaur egungo egoeran segurtasun neurriak kontuan hartu bertara gerturatu zaitezketela giroaz gozatzera eta horretarako aukerarik ez baduzue FMtik jarraitzeko modua izango duzue. Beraz ez dago aitzakiarik Salbideko auzoko festez ez gozatzeko, animatu!!