Zarauzko irrati askea
Podcast: Play in new window | Download
Kaixooo! Atzokoan hainbat alderdi politiko minoritarioekin aritu ginen elkarrizketan. PACMA, Por un mundo mas Justo, Partido humanista, EQUO eta POSI alderdiko kideekin izan ginen, hain zuzen ere.
Bukatzeko berriz, EAJko kide den Imanol Lasa eta EH Bilduko Joseba Permachek hauteskundetako emaitzak baloratu zituzten
Besteik gabe, iada entzungai duzue grabaketa
Podcast: Play in new window | Download
Kaixoooo! Gaurkoan ere elkarrizketa ugari izango ditugu gurean.
Alde batetik, lehengo astean aurreratu bezala “Las comunidades sin estado en las montañas vascas” aurkeztu berri den egiletako batekin izango gara, Itziar Madinarekin hain zuzen ere.
Eta bestetik, Sare antifaxistako kide batekin izango gara,beraien historia, helburu eta egitasmoez luze ta zabal jarduteko asmoz.
Noski, Jardinero, Edonato eta Soziren artean elkarrizketak ez dira faltako.
Malintxe berriz, Madeira irletan erreportai gastronomiko bat egiten ari denez ez da gurean izango. Baina lasai, datorren igandean bertan izango dugu.
Ale ba, hoixe gaurkoan.
Adiori ez, geroarte baizik
Grabaketa entzuteko klikatu beheko poadcastean
Podcast: Play in new window | Download
Kaixooo!
Atzokoan Sozi, Ijauna, Malintxe, Jardinero eta Edonato izan ginen arraio irratiko egoitza nagusian, gela arroxean hain zuzen ere.
Asteazkenean deitua dagoen Greba egunaren baitan jardun ginen.
Tartean, Entzutegi nazionalean lehengo astean hasitako epaiketaren inguruan ere aritu ginen Hernaniko auzipetutako gazte batekin.
Eta bukatzeko, tarte berriari hasiera eman genion: Malintxeren tartea.
Atzokoan, Malintxe eta Hernan Cortesen inguruan aritu zitzaigun eta hainbat liburu irakurtzeko gomendioak ere eman zituen.
Ba hoixe, zuzenean entzuteko aukera izan ez zenutenak hemen behean duzue grabaturiko audioa.
Besterik gabe, esan Asteazkena 26an Arraio Irratiak ere bat egingo duela greba egunarekin eta 8tatik aurrera jarraipen berezia egingo duela beste irrati libreekin elkarlanean.
Podcast: Play in new window | Download
Aufiiiiiiiii! Zemouz gea?? Jakinaren gainean bagaude uda luze joan zaiela entzule askori.
Baina lasai, iritsi da eta eguna. Igande hontan, Irailak 16, 21’tatik aurrera eztulka aritzeko gogo biziz izango dira Jardinero, Edonato eta Malintxe handia.
Denboraldi hontan berrikunta batzuk izanen ditugu eta hauen berri jakiteko igandean entzun besterik ez duzue.
Badakizue ba. adiorik ez igandea 21’rak arte baizik!!
Grabazioa entzuteko behean klikatu
Zarauzko Arraio Irratia oporretara doa San Pelaioen ostean. Gure programazioko irratsaio ia denak jai hartuko dute udan eta irailean itzuliko dira gehienak. Hala ere badira oraindik ere gure uhin libreetan kaka ematen jarraitzeko gogoz daudenak. Udan zehar esaterako, ZarataZarauzko kideak belarriak zulatzen jarraitzeko asmoa azaldu dute asteartero bezala. Kaiolatik saioa ere muxu elektronikoak bidaltzen ibiliko da datozen hilabeteetan eta ZirriMarrakoek ere uztailean zehar egingo dute saioa. Gainontzean, baliteke saio bereziren bat izatea udan eta webgunearen bidez esango dizuegu.
Bestalde, programazioa oporretan egongo bada ere, lan dezente dugu egiteko gure gela arroxean. Irailera begira, irratia berritu asmoz gabiltza eta obratxo batzuk egingo ditugu bertan. Honez gain, antena leku aldatzekotan gabiltza gure seinalea handitu eta hobetu asmoz. Honekin, Zarautzen entzuteaz gain, inguruko herri batzuetan ere emititzea espero dugu, dena ongi badoa.
Irailean sorpresa berri gehiagorekin itzuliko gara, baina bitartean FMko 99.3an edo internet bidez entzun gaitzazkezue.
