Press "Enter" to skip to content

Kategoria: Arraio TV

Larunbat honetarako ere plan bikaina Arraio Irratian!

Kaixo entzuleok!
 
Kultur greba dela eta irratsaio gutxiago ekoizi ditugun arren, goizeko 10:00etan ekingo diogu Galde debalderen aste honetako errepikapenari. Ondoren ZarataZarautzeko kideek Poison Idea talde mitikoari buruz egin zuten monografikoa eskeiniko dugu, 13:00etan Atalkako kide diren eta izan direnei eginiko elkarrizketez osaturiko grabazio ederra izango da eta, amaitzeko, 14:00etan ostiral honetako isolamenduaren aurkako bertso saioa izango duzue entzungai.
 
Arratsaldeko 17:00etan “IPARREGARRI, Urretxuko azken bardoaren kondaira” luzemetraia eskeiniko dugu streaming bidez (konexioak jasaten badu behintzat ūüėČ Ikusgai izango da http://www.arraio.eus/live/live.html orrialdean. Bestela gure Youtubeko kanalean ere ikusgai izango da
 
Gaueko 21:00retan, larunbatero bezala, Leihotik at! Danda Gazte Asanbladako kideek eginiko irratsaioa izango da zuzenean entzungai gure uhin askeetan.
 
Eta 22:00etan berriz, kontzertu mundiala! Zarauzko bi talde mitikoen emanaldiez gozaatzeko aukera izango duzue, Otsoa Artzai eta Anestesia!
 
Etxean geratzekoa bazara, sintonizatu Arraio Irratia FMko 99.3an edo sartu arraio.eus webgunera!

Herriko taldeen emaitzak eta playeruak biharko saioan

Kaixo entzule maite!

Biharko saioan herriko taldeen emaitzak errepasatuko ditugu. 2020. urtea nola hasi duten aztertuko dugu denboraldiaren erdia igaro zaigun honetan. Emaitzarik aipagarriena eskubaloiko gizonezkoek Bartzelonan lorturikoa izan da, garaipen garrantzitsua benetan mailari eusteko borrokan.

Bestalde, playeroen jardunaldi berri bat izango dugunez kiniela egitea tokatuko zaigu, baita azken jardunaldiko emaitzak errepasatzea ere. Beraz, badakizue, hutsik ez egin eta sintonizatu Arraio irratia 21.00tatik aurrera FMko 99.3an!!

Arrotzak taldea zuzenean Putzuzulo Gaztetxean

Arraio Irratiak 13 urte betetzen dituen honetan hainbat ekintza burutzen gabiltza herrian. Tartean, ikusgai duzuen bideo hau, Arrotzak taldeak Putzuzulo Gaztetxean eman zuen kontzertuko irudi batzuk dira, ZarataZarautz irratsaioak antolatu zuen gau bikain batekoak. Gozatu!!!