Zarauzko irrati askea
Hementxe daukazue igandean eginiko irratsaioa!!! Bertan kuña berria estrenatzeaz gain abenduaren 15ean Arrasaten burutu zen AHTaren aurkako manifestazioko ekitaldia emititu genuen. Lehiaketatxo bat ere egin genuen.
Besterik gabe, hemen entzuteko!
On egin ta gogoratu: datorren larunbatean 11etatik aurrera udaletxe aurrean Arraio Irratia egongo dela Santo Tomas azokan!!
Ta igandean 9tatik 11eta…. ahuntzaren gauerdiko eztula!!
Iepala!!
Oraingoan bi irratsaiorekin gatoz zuengana. Duela bi aste Venezeulako konstituzioaren erreforma zelata Caracaseko irrati libre batekin kontaktatzen saiatu ginen, besteak beste. Huts egin zigun elkarrizketatuak eta horrelakoetan ohikoa de legez, inprobisatzen ibili ginen.
Aurreko igandean berriz, ZAGAko eta Zesatenk? aldizkariko kideak izan genituen gurean. Hitz-jario oparoa izan genuen Zarauzko Gazte Asanbladaren barnetegiari buruz eta aurrerantzean jorratuko dituzten gaien inguruan; bide batez, gazte mugimenduaren aldizkaria den Zesatenk?-aren zenbaki berria aurkeztu ziguten idazleek. Baina hau ez da dena, abenduaren 6a edota Durango buruturiko AHTaren aurkako manifaren testiguak ere ekarri genituen FMko 99.3ra.
Besterik gabe, hementxe bi irratsaioak, ON EGIN!!
Igande honetan ere gaueko 9etatik aurrera FMko 99.3an entzun zen Ahuntzaren Gauerdiko Eztula.
ENTZUN!!
Betikolez, primizia mordoa izan ziren, tartean larunbatean izandako Txuri zarauzko presoari eskeinitako omenaldiaren zatiak, non, Otsoa Artzai eta Folkcoreren kontzertu gogoangarriak entzuteko aukera izan genuen. Honetaz gain, ekitaldian irakurri ziren Haimar eta Josebaren gutunak, Mikelen telefono deia eta pare bat abesti ere sartu genituen.
AHTaren aurkako borrokak ere izan zuen bere tartetxoa, baita Burlatan izandako azken atxiloketen testigantza zuzena ere.
Eta amaitzeko, Hala Bedi Gazteizko irrati libretik A desalanbrar irratsaiotik hartutako zatitxoa, Venezuelako konstituzioaren erreformari buruzkoa hain juxtu ere.
Ezin izan bazenuen entzun, lasai, ez negar egin, hementxe baituzu nahi duzun bestetan entzuteko! On egin! Ta gogoratu datorren igandean ere gaueko 9etatik aurrera zita bat duzuela FMko 99.3an. Sintonizatu, etzara damutuko!
Hementxe dituzue larunbat eguerditik hasi eta gau parteraino Udaletxe parean izan zen kontzentrazio musikaleko grabaketak. Kalitatez ez dira apartekoak baina zuzen-zuzenean grabatuak dira. Gogoratu herriko hainbat musika taldek bat egin zutela Txuri preso zarauztarra askatzeko deiarekin eta baimen guztiak eskatu arren, udalaren ezezkoaren gainetik egin zen ekitaldia, non herritarren partehartzea ezin bestekoa izan zen egiten zuen hotzari aurre egiteko.
Hemen dituzue audio grabaketak!!
Igande honetan ahuntzez gain, otsoak, artzaiak, otsoartzaiak eta artzaiotsoak ere izango ditugu Ahuntzaren Gauerdiko Eztulean. Venezuelako zikloari amaiera ematen saiatuko gara, naiz eta gaiak gehiagorako ere eman… Oraingoan indijena bat ekarriko dugu gure fitxategi birtualean. Entzungo duzue…
Ta gogoratu, gu inork ez gaituela ixiltzen! XD
