Press "Enter" to skip to content

Hilabetea: apirila 2017

La Selba eta jardunaldi iraultzaileak (edo saiakera)

Ahuntzaren Gauerdiko Eztula Ahuntzaren Gauerdiko Eztula
2017-04-30

Podcast: Play in new window | Download

Kaixo ahuntzok!

Gaurkoan ere elkarrizketa interesgarriak izango ditugu Ahuntzaren Gauerdiko Eztulan. Batetik, Donostiako Firestone fabrika berreskuratuan antolatu dituzten Jardunaldi iraultzaileen (edo saikera) berri izango dugu. 2015eko Maiatzaren Lehenean okupatu zuten gune hori Añorga Txikin, eta mahai inguru, tailer eta bestelakoekin egitarau oparoa antolatu dute asteburuan.

Bestetik, Aragoira joko dugu La Selba deitutako etxaldea ezagutzeko. CHE Confederación Hidrográfica del Ebroren jabetzakoa da gunea bertako bizilagunei expropiatu zietenetik, urtegi bat egiteko. Inguruko herri asko hustu dituzte helburu horrekin, eta hainbat lagun ari dira han lanean, ingurua biziberritu eta babesteko.

Horrez gain, txoko internazionalista ere izango dugu Ijaunaren eskutik.

Ez galdu! 21:00etatik aurrera, igandero gisan, Arraio Irratian! FM 99.3!

Xanpler-en bixita kaiolatik saioan!!!

elektrope elektrope
2017-04-27

Ieeeepa kaixow!!! Biharko kaiolatik saioan Elektropeñarekin batera irratsaio hau sortu zuen Xanpler jauna itzuliko da kaiolara!!! Infernuko semeak, doinu ilun eta astunen nahasketa eder bat eskeiniko digu biharkoan!!! Horretaz gain azken aldian zertan dabilen jakingo dugu!!! Ez galdu lagunok!!! UP THE KAIOLS BETI!!!

DANTZARI TXIKI EGUNEN EGITURA MANTENDUKO DUGU HELDUEKIN, GURETZAT BERRIA DA”

arraio arraio
2017-04-27

Podcast: Play in new window | Download

Agenda kontuei heldu diegu gaurko saio amaieran. Izan ere, Jalgi dantza taldeak bost urte egin dituela ospatzeko, helduen dantzari eguna antolatu dute igande honetarako Zarautzen. Horren harira, Jalgiko Lierni Atxukarrorekin eta Miren Garaterekin hitz egin dute Zarauzko Arraio irratiko lagunek.

Herriko taldeen emaitzen errepasoa eta surf txapelketa biharko saioan

izerditan blai izerditan blai
2017-04-27

Podcast: Play in new window | Download

Kaixo entzule maite!

Jada oporrak amaituta bueltan gara zuei saio berri bat eskaini asmoz. Biharkoan herriko taldeen emaitzak eta egoera izango ditugu aztergai zer kontatu ugari dagoelako. Emakumezkotan futboleko taldeak azken jardunaldia izango du eta igoera lortzeko zorian dago, eskubaloian larunbatean 19.30 jokatuko dute Castellon taldearen aurka igoera faseko joaneko partida. Gizonezkotan errugbiko mutilen ezin izan zuten garaipena lortu igoera faseko lehendabiziko partidan, eskubaloian aldiz garaipen garrantzitsua lortu zuten Zamoraren aurka, beste urte betez ohorezko mailan jarraitzeko balentria erdietsi dutelarik.

Honez gain hondartza inguruak ez ditugu ahaztuko, aspaldi izan bazen ere gogoan ditugu playeroetako finalak, hauen aipu azkarra egiten saiatuko gara nola ez. Toki berdinean jarraituz, igandean amaitu zen surf txapelketako emaitzak errepasatuko ditugu, nesketan Carol Henrique portugaldarra izan zen garaile, mutiletan Gony Zubizarreta galiziarra izan zen txapeldun.

Aipaturiko albiste hauen inguruan gehiago jakin nahi baduzu, ez hutsik egin eta sintonizatu Arraio Irratia FMko 99.3an bihar 18.00tatik aurrera!!

Bilgune Feministaz hitz egingo dugu gaurko Bolloenean

atalka atalka
2017-04-27

Podcast: Play in new window | Download

Norbaitek oraindik ez badaki ere, Bilgune Feministak hamabost urte bete ditu aurten! Hori ospatzeko, Saioa Iraola izango dugu Arraioko gela arrosan. Dena den, hastapenen berri jakiteko, Joxeparekin ere hitz egingo dugu.

Urtemuga garrantzitsua izanik, hainbat ekimen ari dira antolatzen talde feministakoak eta horien berri ere emango dizuegu.

Ez galdu, beraz, gaur, 21:00etatik aurrera, Bolloenea saioa!