Zarauzko irrati askea
Podcast: Play in new window | Download
Larunbatean irrati kamioiarekin egin genituen elkarrizketak entzungai dituzue. 6 auzo ezberdinetan ibili ginen goizez. Zelai Ondo, Iñurritza, Itsas Mendi, Santa Marina, Azken Portu eta Vistalegre bisitatu genituen, bertako auzo elkarteei elkarrizketak eginez, baita Kalegorrian egitasmoko kide bati ere. Elkarrizketak podcastean dituzue entzungai.
Podcast: Play in new window | Download
Aste honetako ZarataZarautz irratsaioan Tito Metralletaren bisita edukiko dugu. Aspaldian gela arroxestik pasa gabe dugu Tito eta aste honetan gustuko duen musikaz gozatu ahalko dugu, baita bere tontakeriez ere. Hau dena, 21:30-etatik aurrera izango duzue.
Atzo Titorekin eginiko irratsaioa podcastean duzue. Playlista berriz HEMEN.
Kaixo lagunak!
10. urteurreneko astelehenarekin gatoz igande honetan! Saio mamitsua dugu gaur ere, batez ere okupazioa ardatz hartuta. Batetik, Arditurriko errepublika independentearen 30. urteurrenaz arituko gara, hango kideak gela arrosera ekarrita. Bartzelonako Gracia auzora ere joango gara, Banc Expropiateko kideekin hitz egitera. Eta gainera, Donostiako Gipuzkoa plazan ere egingo dugu geldialdia, errauskailua ardatz hartuta sistemari aurka egiten ari diren akanpadan.
Eta, nola ez, Ekhiñe Eizagirre eta beste kideak Fresnesko espetxean aurrera eramaten ari diren borroka ere ekarriko dugu gurera.
Ez galdu! 21:00etatik aurrera, Arraio Irratian! FM 99.3!
Podcast: Play in new window | Download
Beti bezala, hil honetako efemeride interesgarriak azalduko dizkizuegu eta, ondoren, 2 gonbidatu izango ditugu. Batetik, Krisek azalduko digu, oro har, zein egoera bizi duten emakume presoek eta berak izandako esperientziak partekatuko ditu gurekin.
Bestetik, Nagorek, egun hauetan Fresnesen nahiz beste zenbait kartzelatan gertatzen ari dena argituko digu eta egoera salatzeko planteatutako ekimenak ere zehaztuko ditu. Orokorretik lokalera ere joko dugu, ordea; izan ere, Ekhine Eizagirre zarauztarra Fresnesen dago preso eta bere egoera gertuagotik ezagutuko dugu.
Ikusten duzuenez, gaurko saioa interesgarria izango da! Ez galdu 21:00etatik aurrera hasiko den Bolloenea saioa.
Podcast: Play in new window | Download
Kaixo entzule maite!
Uda usainarekin gatoz aste honetan eguraldia lagun saio berri bat eskaini asmoz. Asteazken honetan lehendabizi larunbatean izan zen sakabanaketaren aurkako pala txapelketaren antolatzaileekin egongo gara. 28 bikotek parte hartu zuten herriko frontoi ezberdinetan eta final handia frontoi txikian ospatu zuten giro ederrean. Ekimen honen zergatiak eta txapelketaren gora beherak azalduko dizkigute.
Honez gain Axi Munian surflaria ere izango da gurean. Azken aldian Hawaii aldean ibili zaigu eta bertan izandako esperientziaren berri emango digu olatu handietan ibiltzen den zarauztar honek.
Hau dena beti bezala Arraio Irratian izango duzue entzungai, bihar, asteazkena 20.00tatik aurrera. Ondo izan!!
