Press "Enter" to skip to content

Hilabetea: azaroa 2013

BOLLOENEAn saio musikala

atalka atalka
2013-11-29

Podcast: Play in new window | Download

Ostegun gau hotz hontan doinu goxoak zein frikada bat edo beste izan ditugu gela arroxean. Bolli eta Mme kruasanen asunto eta zereginak direla eta (bixitak, ospitalak eta beste) alde batera utzi ditugu gure ohiko formatua osatuko duten “naftalina usaina”, “bolliztegia”, “tarte potolua”, “xirrikitutik” eta “ile kizkurrak mihipuntan” atalak. Horren ordez titipuntan jarri zaizkigun abestiak aukeratu, bollo, emakume, trans ahotsak, euskaldunak nahiz munduko txokotakoak eta gure gertuko maiteñoei eskeini dizkiegu.

Entzundako kantuak hemen

kanel 10

 

 

 

 

Elektropeñaren txanda aste hontako Kaiolatik saiuan!!!

elektrope elektrope
2013-11-28

Iepaleee, aste hontako saiuan ez degu gonbidaturik izango, beraz aspaldiko partez Elektropeñak aukeratutako doinuak entzungo ditugu. Gainera labetik atera berriak diren doinu ugari ditut esku artean, Extrawelt-en EP berria, Avatism-en doinuak, Life an death zigilutik Ten walls-en Requiem hit berria, Minus zigilutik Matador-en diska berria eta askoz gehiago. Beraz garbitu belarriak ondo, sekulako musikoia izango deu eta!!! Eutxourrei eta UP THE KAIOLS!!!

extrawelt

Areto futbola, surfa eta playeroak biharko Izerditan blai saioan

izerditan blai izerditan blai
2013-11-26

Podcast: Play in new window | Download

Iepa kaxo!

Biharkorako ere saio bikaina prestatu dugu hotzari aurre egiteko. Lehendabizi herriko taldeen emaitzak errepasatuko ditugu beti bezala. Kasu honetan areto futbolari tarte berezia eskainiko diogu Enekorekin telefonoz hitz egingo baitugu.

Eskozia aldera ere jo behar dugu Gerard Bridgek errugbyko kronika bikaina prestatu baitigu.

Ondoren surfari eskeiniko diogu tarte berezia, Koroa Hirukoitzeko txapelketan, lehendabiziko froga amaitu berri da. Bertan, gure ordezkarien lan txukuna gehiago sakonduko dugu. Denbora izanez gero IBAk (Internacional Bodyboard Association) duen krisiaz jardungo gara laburki bada ere.

Azkenik playerotako kiniela ez dugu ahaztuko, igande honetan jokatzen baita beste jardunaldi interesgarri bat. Animatu eta parte hartu!

Mallorka Punk Vol I bildumari errepasoa ZarataZarautzen

arraio arraio
2013-11-24

Podcast: Play in new window | Download

Astearteko ZarataZarautz irratsaioan, berriki kaleratu den Mallorka Punk Vol I bildumari egingo diogu errepasoa. Radio 77 irratiko 1984 irratsaioak ekoizturiko LP bilduma honetan, gaur egun Mallorkako irlan dauden Punk taldeak aurkitu ditzakegu. Aspirina Infantil, Decraneo, Usura, Eskoria, Mostros…

Horregatik, 1984 irratsaioko kidea den Federi elkarrizketa egingo diogu eta bertako abestiak entzuteko aukera izango dugu, beti bezela, gaueko 21:30etatik aurrera Arraio Irratiko uhin libreetan edo internet bidez.

azaroak_26_mallorka