Tag Archive: Zinema


Azaroari hasiera emango  dio Zinema Itsuak eta horretarako Palestinara bidaiatzea pentsatu dugu. Nagore Martinez eta Hodei Iruretagoiena izango ditugu gela arroxean, brigadistak izan ziren Palestinan. Bien bizipenek, Marlene eta Louisek prestatu dugun  zinema palestinarraren informazioarekin batera, herrialde okupatuaren argazki xeheago bat osatzen lagunduko digute.

Findu belarriak beraz!

Ostegunean 21:00etatik aurrera FMko 99.3an izango gaituzue.

Maiatza iritsi da dagoeneko, eta hilabete berezia da hau Arraio irratiarentzat.  Aurtengoan 12 urte betetzen ditugu uhin libreetan. Arraioren urteurrena hizpide, ospakizunetan oinarritu gara Zinema Itsua berri honetan.

Film ezberdinak ekarriko ditugu gela arroxara, baina guztiek dute zerbait amankomunean; ospakizunen bat. Hauen inguruan hitz egingo dugu soinu banden konpainiaz beti bezala.

Ez galdu, ostegunean, 21:00etatik aurrera, FMko 99.3an

ZORIONAK ARRAIO IRRATIA ETA ARRAIOKIDE GUZTIEI!

ESAN DOZENKI!

Atalkarien baimenarekin, Zinema Itsua izango duzue bihar gauean entzungai; izan ere, errepikapena jarri ostean, irratsaioa egiteko gogotsu gaude Louise eta Marlene.

Oraingo honetan, sasi-irratsaioa eskainiko dizuegu, ordea. Zergatik diogun hori? Bada, askotan esan dugun bezala, guk nahi dugun informazioa lortzea zaila egiten zaigulako, eta bilaketa amaigabe horretan, gainera, informazio sexista azaltzen zaigulako.

Horregatik, bihar, emakumeoi gomendatzen zaizkigun filmez hitz egingo dugu. Eta aitor ezazue: ziur, asko ikusita dituzuela!

Bihar, 21:00etatik aurrera, Zinema Itsua, gela inoiz baino arrosagotik zuzenean.

 

Powered by WordPress & Web Design Company
[ Back to top ]