Zarauzko irrati askea
ekainaren 1eko saioan, gonbidatuak ez baitu aukeratzerik izan berak eginiko bidaien artean, hara hona ibiliko gara, bizitzaren planoa osatuz: Bilbo, Lisboa, Sizilia, Edinburgh, Ameriketako Estatu Batuak…
asteleheneroko moduan, 9etatik 10etara, BiTaCoRa KaieRa
Kaixo irratikide!!t
Aurreko igandean ezin izan genuen zure irrati saio gogokoena, Ahuntzaren Gauerdiko Eztula alegia, grabatu. Baina maitzaren 31ekoa bai!! Eta gainera gauza interesgarri pila bat komentatu genituen.
Besteak beste, efemerideak errepasatu genituen, bai Wikipediakoak eta baita Jardinero gure kolaboratzaileak ekarritakoak ere. Honen ondoren, Eneko izan genuen gurean Aste Solidarioaren berri ematera. Honela iritsi ginen gaueko 22:00etara.
Baina 23:00arte denez gure irratsaioa, ba bigarren tarteari ekin genion eta hortarako beste gonbidatu batzuk genituen: zarauzko hautetsi independentistak. Apartheid-aren 6. urteurrena aitzaki modura hartuz, egora antidemokratiko honen inguruan solastu ginen europar hauteskundean ere hizpide izan genituelarik.
Podcast: Play in new window | Download
Kaixo kaiolazaleok, ostiral honetan benetan saio berezia egingo dugu. Izan ere Columna taldeko Mikel Beizama izango dugu gure infernuko kaiolan. Columna taldea bi kidek osatzen dute, alde batetik Metralleta, Pandemia edota Shitake taldeetan ibilitako Mikel Beizama Zarauztarrak, eta bestetik Hamburgesa Begetal talde Bilbotarrean ibilitako lagun batek. Bikotea orain gutxi sortu duten proiektu berri bat da, eta doinu elektroniko lasai eta ambientalak egiten dituzte. Beraz bihar hau guztia primizian entzuteko aukera izango duzue, Nathan Fake eta Rone bezelako proiektuen musikarekin bustiriko elkarrizketa bat barne!!! Mmmmmmmmmm… ON EGIN!!!
Maiatzaren 26ko ZarataZarautz irratsaioa nobedade berri askorekin dator. Hasteko, Metralleta eta Diskoiraa taldeek atera duten EP berriaz hitzegingo dugu.
Honen ostean, astebukaera honetan gure inguruan izango diren kontzertuen berri emango dizuegu. Eta amaitzeko, Cock Cparrer, Ruido obrero bilduma, lost and found zigiluaren European HC bilduma, Intolerance edota Homomilitia bezalako taldeak entzuteko aukera izango dugu.
Beti bezala, guzti hau, FMko 99.3an izango duzue. Eta Zarauztik kanpo bazaudete arraio irratiko webgunetik ere entzun ahalko duzue.
Herriko gazte eragile ezberdinek osatutako GUREKIN JAI batzordetik zuzentzen gara zuregana. Azken urteetan txosnen inguruan udalarekin arazo asko izan ditugun arren aurten oso egoera larrira iritsi gara. Aurten SAN PELAIOAK ARRISKUAN DAUDE!! Udalak txosnei laguntza guztiak moztu dizkiote eta oso baldintza zorrotzak eskatzen ditu. Munoako gunetik ere “Dia” supermerkatuko aparkalekura eraman du. Ez dugu utziko beste hainbat herritan bezala txosnak lapurtzen eta TXOSNAK dituen herri bat izaten jarraitu nahi dugu, gure festak txosnetan bizitzen jarraituz.
EGOERA OSO LARRIA DA ETA ORAINTXE BEHAR BEHARREZKOA DUGU ZURE LAGUNTZA. TXOSNETAZ GOZATZEN DUGUN DANON LAGUNTZA BEHAR DUGU. Batetik egoera hau zuen lagun artean hitzegiten eta mezua zabaltzen eta bestetik egingo diren ekintzetan parte hartzen. Inoiz baino garrantzitsuagoa da ahalik eta jende gehienak parte hartzea eta Udalari Txosnak beharrezko ditugula erakustea. GURE JAIAK GUK GEUK ANTOLATZEN JARRAITZEKO ETA TABERNETAN EZ USTELTZEKO AURTEN DENON ARTEAN TXOSNAK BIZIRIK!!!
deialdiak:
–Maiatzak 29, ostirala: Egoeraren azalpena eta egitarauaren aurkezpena eta proposamenak Putzuzulon
–Ekainak 5, ostirala: Prentsaurrekoa Munoan
info gehiago eta atxikimenduak HEMEN.
