Zarauzko irrati askea
Podcast: Play in new window | Download
Halaxe da lagunok, izan ere, gabonak badatoz……..ikuskizuna hastera doa! Eta honen inguruan arituko gara bosgarren saio honetan.
Gogoratu, zuek ere, gaiaren inguruko ezer komentatu nahi izanez gero zuzenean parte hartzeko aukera izango duzuela.
Eta betiko lez, hainbat erremedio, gogoeta errezeta eta bestelakotarako parada Atalkan.
Ez galdu gero!.
Apa kaxo!!! Ze gizalarru!!! Hementxe gira beste saio baten atarian. Oraingo honetan gonbidatu berezi batekin, Lizarriturri DJ Doktorea alajaina!!! Arraio enea-ko dj ohia dugun Lizak bere gustoko doinu elektronikoak ekarriko dizkigu biharkoan!!! Beraz badakizue, bertsoekin sufritu baina lehenago, doinu elektronikoak Arraio Irratian, beti bezala, 22.00tatik 21.00rak arte. Eutsourrei beti!!!
Iepa kaxo!!
Tenperaturek laguntzen ez duten arren gaur ere Izerditan Blai irratisaioa izango duzue entzungai. Egun hotzetan berotzeko aukera egokia da kirola egitea edota kirol irrati saioa entzutea. Gaurkoan asteburuan izan ditugun partiden berri emango dugu, betikolez. Aipamen berezia eginaz saskibaloi taldeari 11 garaipena erreskadan lortu dituztelako.
Futbolean, gizonezkoen preferente mailan, taldea bolada onean dabil, hau ere mintzagai izango dugu nola ez. Baita hondartzako futbola ere, jardunaldi berri baten atarian baikaude.
Azkenik surf izango dugu, jada denboraldia bukatu baita. Bart gauean amaitu da Pipelineko Koroa Hirukoitzeko froga, Aritz Aranburu WQSen arituko da urrengo urtean, Mick Fanning-ek irabazi du munduko txapelketa ta Joel Parkinson izan da Koroa Hirukoitzeko txapeldun.
Beraz badakizue, kirolaren inguruko beste saio interesgarri bat 20.00tatik aurrera Arraio irratian 99.3an, zarauzko irrati librean!!
Podcast: Play in new window | Download
Nahiz eta ZarataZarautz saioan gonbidatu berezi bat izango genuela izan, atzoko saioa Lagun Izoztuak eta B jaunak egin behar izan zuten. Azken egunetan lortutako nobedadeak entzuteko parada izan zen atzokoan. Los Brebes, Mostros eta Motocrossen elkarbanaturiko singlea, Botellon de Castigo eta Chancletarena…
Irratsaioa beti bezala podcastean duzue. Playlista berriz, HEMEN.
Aste honetan, Putzuzulo Gaztetxean ospatuko diren Euskarasteko jardunaldietan Arraio Irratia ere egongo da. Kopla txapelketa zuzenean FMtik emititzeaz gain, aste barruan burutuko diren hitzaldi batzuk ere emitituko ditu.
Esate baterako, gaur arratsaldeko 19:00etatik aurrera Jose Angel Aldai, Garabide elkarteko kideak eman behar duen hitzaldia, Arraioko uhin libreetan entzun ahalko da. Oraindik ez gaude ziur, asteazken eta osteguneko hitzaldiak emititu ahalko ditugun, baina saiatu behintzat saiatuko gara.
Honez gain, Arraio irratiaren neguko programazioa ere aurkeztuko dugu larunbat goizean, Santo Tomas egunaren harira Foru Zaharren enparantzan burutuko den azokan. Goizeko 10:30etatik aurrera, giroa berotzen egongo gara bertan eta gure neguko programazioaren nondik norakoez hitzegingo dugu.
