Press "Enter" to skip to content

Kategoria: Kontzertuak

Gaizkiñe taldea zuzenean Putzuzulo Gaztetxean

arraio arraio
2020-03-31

Podcast: Play in new window | Download

Konfinamenduak etxeko trasteei eta materialari hautsa kentzera behartu gaitu askori. Arraio Irratiaren kasuan disko gogorra errepasatzea tokatu zaio. Eta errepaso horretan kuriositate dexente aurkitu ditugu.

Tartean, 2007an Zarauzko Putzuzulo Gaztetxean izan zen kontzertu bateko audio hau. Andoaingo Gaizkiñe taldearen kontzertu bat aurkitu dugu irratiaren memoria zaharrean. Egun hartan Zarauzko Anestesia taldearekin jardun zuten egun horretan, Putzuzulo Gaztetxearen eta Arraio Irratiaren hastapenetan.

Goza ezazue!!

Arraio Irratiaren 13. urteurreneko ekitaldiak prest ditugu

arraio arraio
2019-05-20

Aste honetan Arraio Irratiaren 13. urteurreneko ekitaldiak burutuko ditugu Zarauzko herrian. Maiatzaren 22an hasiko gara urteurrenarekin. Erlo Telebista eta Zarauzko Hitzarekin elkarlanean,Zarauzko alkategaien arteko eztabaida antolatu dugu Modelo aretoan,19:00etatik aurrera.

Ostiralean berriz,maiatzaren 24ean, “LOU. Dantzan jo ta ke, oonak lehertu nahian” dokumentala ikusteko aukera izango da Putzuzulo Gaztetxean. Lourdes Olangua abeslari Zarauztarrari buruzko dokumentala da honakoa eta 20:30etatik aurrera ikusgai egongo da. Emanaldiaren ostea afari-merienda bat egiteko aukera ere egongo da. Eta gaua amaitzeko Pig & Kiss talde Zarauztarrak joko du.

Eta urteurrenarekin amaitzeko,kontzertua eta festa antolatu dugu Putzuzulon bertan. Maiatzaren 25ean, NATALI eta NORMAN taldeen kontzertua edukiko dugu. Gaua amaitzeko berriz DJ MALITAK edukiko ditugu.