Press "Enter" to skip to content

Kategoria: Irratsaioak

Atzoko irratsaioa entzungai duzue

itsaso debekatuak itsaso debekatuak
2012-05-29

Podcast: Play in new window | Download

Atzokoan hainbat gai landu genituen astelehenero bezala. Zarauzko herrirako kide bat izan genuen gurekin pasa den ostiraleko kontuez hitzegiteko eta Aguraingo Nagore Lopez de Luzuriagak berriz Arabako preso gaixoen inguruan azalpenak eman zizkigun.
Elkarrizketaren garaian berriz Antton Lopez Ruiz presoaren emaztea eta semea izan genituen gurekin.
Dispertsioa eta gartzela politika ankerra senideen ikuspuntutik begiratzeko modua eduki genuen atzokoan.
Emazte eta seme baten betaurrekoak jantzita bidaiatu genuen 25 urte luzez, Espainiako gartzeletan barrena.
Eskerrik asko biei!

Hemen duzue elkarrizketa entzungai

Zarauzko JANTOKI BEGANOAz atalkan

atalka atalka
2012-05-24

Podcast: Play in new window | Download

Kaixo arraiozale!

Urteurren osteko lehen saio honetan, Zarautzen, abiatu berri den ekimen interesgarri eta goxo bati buruz arituko gara gaurko saioan: PUTZUZULOKO JANTOKI BEGANOA.

 

Hilabete inguru da Zarauzko gaztetxean jantoki beganoa “estreinatu” zela. Afari beganoa, borondate truk, nahi duen ororentzat. Hilean behin egiteko asmoz hasi ziren eta lehendabiziko hura primerakoa izan zen: menua itzela, eta bertan sortutako giroa ere ederra.

Horrela bada, ekimen honetako partaide diren kide pare bat izango ditugu gure artean eta jantokiari buruz ez ezik beganismoaz ere jardungo dugu 21’00tatik 22’00etarako tartean.

 

On egin!

 

Saio benetan interesgarria izan zen lehengo ostegunekoa ere. Eta hemen behean duzue jada entzungai.

Bestetik, Beganismoarekin erlazionatutako zenbait dokumental aipatu zizkiguten Mikel eta Titok, eta hemen behean tituluak eta loturak, gaiaz gehiago jakin eta hausnartu nahi duen naiz kuriostitatea duen ororentzat:

          -A CARNE É FRACA (Brasil, 2005, 54min, erderaz azpititulatuta)     http://www.youtube.com/watch?v=5ip_imv-WTA

         -EL EMOTIVO MUNDO DE LOS ANIMALES DE GRANJA (AEB, 2007, 53min, erderaz azpititulatuta)     http://vimeo.com/2567671

          -THE END OF THE LINE (Britania Handia, 2009, 81min, erderaz)     http://www.youtube.com/watch?v=QlzIQhF6Dow

Zirrimarrak: Etxe Beltzeko kimu berriak

zirrimarrak zirrimarrak
2012-05-23

Apa lagunok!

Aste honetakoa ere irratsaio berezia izango delakoan gaude Zirri eta Marra. Ohiko albiste, lehiaketa, iritzi eta abarrez gain, Etxe Beltz bertso eskolako hiru kide izango ditugu gurean. Etxe Beltz bertso eskola mende laurden inguru darama lanean, eta azkenaldian nahiko indartsu dabilela esan liteke. Bertako hiru gazte izango ditugu uhin libreetan, Etxebeltz bertso eskolaren azkenaldiko martxa, aurrera ateratako ekimenak, … gurekin elkarbanatzeko. Ia bertsoren bat ere entzuteko auekera dugun!

 

Beti bezala, asteazkenero 21:45etan eta errepikapena ostegunero 15:00etan, Arraio Irratian! Zure irratiko FM99,3an!

 

Beste astearte zaratatsu baterako prest gaude

arraio arraio
2012-05-22

Podcast: Play in new window | Download

Asteartea iritsi da eta ZarataZarauzko lagunak prest dugu. Ohiko agendari errepasoa egiteaz gain, Putzuzulon egongo diren kontzertuen inguruan hitzegingo dugu eta nola ez, gustoko dugun musika ere jarriko dugu. Gaurkoan Krixpin eta Lagun Izoztua bakarrik egongo gara gure gela arroxean baian umorea ez da faltako. Gogoratu zita zaratatsu bat duzuela gaueko 21:30etatik aurrera.