Press "Enter" to skip to content

Kategoria: Kosta Kasta

KOSTA KASTA, GAUR, 19:00ETAN ARRAIO IRRATIAN!

Kaixo guztioi! Badator DBH 4. mailako ikasleen hilebeteroko irratsaioa! 
Ikasturteko bigarren irratsaioa da azarokoa, eta asteazken honetan, azaroak 27, gai ugari ikutuko ditugu: azaroak 10eko hauteskundeak, azaroak 25eko emakumeen aurkako indarkeriaren aurkako eguna, Begoña Urbitarte triatlistari elkarrizketa, aholkularitza gunea, entzuleen abesti gustokoen Top 5-a, Fernando Rojori bere azken bidaiaren inguruko elkarrizketa, zozketa eta askoz gehiago! 

Beraz, gogoratu, GAUR , iluntzeko 19:00etan Kosta Kastako lehen saioa Arraio Irratian! Piztu 99.3 fm!Instagram: @kostakasta Zuzenean ezin baduzu entzun, irratsaioa webgunean entzugai izango duzu: http://www.arraio.eus/

KOSTA KASTA BUELTAN DA

Kaixo guztioi!
Piztu irrati horiek, garbitu belarritxoak eta hasi 99.3fm-a sintonizatzen… Badatorrelako, bueltan delako, aurtengo DBH 4. mailako ikasleen hilebeteroko irratsaioa! KOSTA KASTA, hilebeteko azken asteazkenetan, iluntzeko 19:00etatik aurrera, Zarauzko Arraio irratian!
Urriko azken asteazken honetan, urriak 30, izango da aurtengo ikasleen lehen emanaldia, eta irratsaio oso interesgarria prestatu dute! Gai ugarirekin datoz oraingoan: aurkezpena, area 51, urriak 12ko jai egun arrotza, Nekane Saroberi elkarrizketa, Altsasuko eta Procés-eko auziak, Intzak hik musika taldeari elkarrizketa, entzuleen abestien Top 5-a, ikasleen aitormen eta aholkularitza tartea, arrauna, errugbia, zozketa eta gehiago! 

KOSTA KASTAREN 7.IRRATSAIOA

Kaixo entzule maiteok!

Bagatoz berriro ere Kosta Kastako irratsaioko kideak gure apirileko saioarekin!

Oraingoan, hainbat gai izango ditugu gurean: lagun handi lagun txiki proiektuaren nondik norakoen azalpena Agurtzane Loiola eta Isa Maritxalarren eskutik, Frantziako ikasleen bisitaren kronika, DBH 4. mailako ikasbidaiaren aurkezpena, kirol munduko azken berriak, KMK’19ko atalean lan talde feministako Nerea Permach eta Olatz Azkueri eginiko elkarrizketa eta hilabetero bezala, bokata eta edaria irabazi nahi duenarentzako zozketa itzela!
Gogoratu, gaur, iluntzeko 19:00etan Kosta Kasta Arraio Irratian! 
Piztu 99.3 fm!
Instagram: @kostakasta
Zuzenean ezin baduzu entzun, irratsaioa webgunean entzugai izango duzu:

13 urtez, Arraioz(a)harro!

Bai, zaharragoak eta harroagoak gara arraiokideok. Zergatik sinetsi zahartzea txarra dela? Nork erabaki zuen hamahiruak zorte txarra ematen duela? Hamahirugarren urteurren honetan, inoiz baino bihurriago gaudenez hautsak eta uhinak harrotuko ditugu!

Ikasturte hau oparoa izaten ari da: 9 irratsaio ditugu entzungai (musika, gaurkotasuna, kirola, elkarrizketak, bidaiak, bertsoak, feminismoa, euskara, jasangarritasuna, ekologia…) eta 35-bat kide gabiltza informatzen, pentsarazten, isilaraziei ahotsa ematen, bestelako musika eskaintzen…. Harro egoteko arrazoirik ez zaigu falta, hortaz.

Irrati librea gara, autogestionatua, euskalduna, bizimodu kapitalista eta heteropatriarkarra irauli nahi dituena. Gure helburua eragitea da; pasibo nahi gaituzten arren, ez gara! Besterik badago, besterik egin dezakegu. Eta horretan ari gara, bestelako bide hori eraikitzen.

Oraindik ezagutzen ez bagaituzu, egin aproba, piztu irratia, sintonizatu FMko 99.3a; Zarautzen ez ezik, Oriotik hasi eta Ondarruko portuko ranpiraino entzun gaitzakezue. Eta interneten ere bagaude,www.arraio.eus web-orrian, edo Euskal Herriko Irrati Libre eta komunitarioen Arrosa sarean ere bai (www.arrosasarea.eus).

Eskerrik asko, noski, orain arte entzun gaituzuen guztioi, etorri zareten guztioi, lagundu duzuenoi. Irratiak hitz egiteko balio du, bai, baina entzuten ez bada, zentzurik ez du. Horregatik guztiagatik, aurtengo urteurrena ere zuekin guztiekin ospatu nahi dugu. Izan ere, xedeak eta balioak argi ditugu, eta horien artean dago zuek, gure entzuleak zaindu eta gozaraztea; arraiokideok gozatzen dugun bezainbeste, ahal bada.

Martxoak 16, larunbata. Plaieroen inguruko solasaldia Zarautz Kirol Elkartean 11:00etan.

Martxoak 21, osteguna. Ahoztar Zelaietaraen La trama del 4% Putzuzulo gaztetxean 18:30ean.

Martxoak 24, igandea. Gipuzkoa Bertsotan, girotze saioa Putzuzulo gaztetxean 17:00etan.

Martxoak 27, asteazkena. Mahai-ingurua: Euskara sexista eta ez sexista Modelo aretoan 19:00etan.

Apirilak 4, osteguna. Sendabelarrak Sara Letamendiarekin Merkatu Plazan 19:00etan.

Apirilak 26, ostirala
. Gipuzkoa Bertsotan, berotze saioa Putzuzulo gaztetxean.

KOSTA KASTA 5.irratsaioa

Kaixo entzule maiteok!
Badator otsaileko Kosta Kasta irratsaioa! Gaur, Ikastolako DBH 4. mailako ikasleok gure bosgarren saioa emitituko dugu Arraio Irratiko uhin hauetatik! Oraingoan, hainbat kontu izango dugu mintzagai. Hasteko, martxoak 8ko greba feministaren inguruan arituko gara eta kalera aterako gara iritziak entzuera. Kmk-tako atalean, erropa lan-taldeko Jaione Peña eta Arantxa Iturria elkarrizketatuko ditugu, eta elkarrizketekin jarraituz, Joxepo Teresekin ere elkartu gara bere ibilbidearen nondik norakoen berri izateko. Hortaz gain, kirolen atalean emakumezkoen futbola ekarriko dugu irratira eta amaitzeko, ihauterietarako mozorro proposame batzuk emango dizkizuegu! Tartean, zozketa ere izango da, noski!
Gogoratu, gaur, iluntzeko 19:00etan Kosta Kasta Arraio Irratian!
Piztu 99.3 fm!
Instagram: @kostakasta
Zuzenean ezin baduzu entzun, irratsaioa webgunean entzugai izango duzu: