Kategoria: Izerditan blai

Iepa kaxo!
Egunik hotzenetan ere izerditan blai gaude gu, honegatik beste saio bikain bat prestatu dugu gaurkoan. Saioaren lehengo zatian gure taldeek lortutako emaitzak aipatuko ditugu, aipagarriak dira gizonezkoetan eskubaloiko taldeak Segovia aldean lortutako garaipena eta saskibaloian etxean denboraldiko lehen porrota. Emakumezkotan saskibaloiko taldearen garaipen garrantzitsua eta eskubaloian Xixonen izandako porrot estua.
Hondartzeko futbolean aurreko asteazkeneko emaitza eta sailkapenak ere esango ditugu, baita liga erregularreko azken jardunaldia nola den ere.
Saioa amaitzeko azken aste honetan pil-pilean dabilen gaia hartuko dugu, dopinga. Amarru honen bilakaera historikoa eta gaur egungo egoera azaltzen saiatuko gara, baita azken kasu honek ekar ditzakeen ondorioak zeintzuk izan daitezkeen. Hau dena 20.00tatik aurrera!

Iepa kaxo lagunak!
Batzuek zubia egin duten arren gu fin ibili gara lanean beti bezala. Kirol askotan jardunaldirik egon ez arren beste batzuk beren partidak jolastu dituzte, guk hauen berri emango dugu.
Surfean koroa hirukoitzeko bigarren frogak ez du nahi genuen emaitzak utzi, Hodei Collazo hasi orduko joan zen kalera eta Aritzek aldiz ezin izan zuen parte hartu txorkatileko bihurritu batengatik. Hirugarren froga hasi aurretik aipatu behar da Eddi Aikau surflariaren omenezko txapelketa abian dela abenduaren lehentik otsailak 28a bitartean.
Saioa bukatzeko izango ditugun gonbidatuak areto futbolean dihardute buru belarri, Eneko lehendik ere gurean izan den arren berarekin ekarriko du Mada. Ea gure elkarrizkitaren ostean Ceramicas Nogales taldeak eta bi jokalari hauek zorte gehiago duten. Areto futbolaz gehiango jakin nahi baduzu ez galdu gaurko saioa, 20.00tatik aurrera!

Iepa kaxo lagunak!
Hemen gara beste asteazken bat gehiagoz zuei saio bikain bat eskaini asmoz. Gaurkoan elkarrizketa izan behar genuen baina aste honetan ezin dutenez, hurrengo asteazkenean izango ditugu areto futboleko jokalari pare bat gure estudioan.
Gaurko emaitza sortan albiste gazi gozoak ditugu, futboleko porrot mingarria alde batetik eta saskibaloiko taldearen nagusitasuna bestetik. Hondartzeko futboleko emaitzak eta sailkapenak lortu ditugu zuei eskaintzeko, baita hurrengo asteazkenean izango diren partidak zeintzuk diren.
Surfean koroa hirukoitzeko bigarren froga aurreko asteazkenean hasi zen eta zuzenen berri emateko aukera izan genuen. Orduz geroztik olaturik ez dagoenez ez da erranda gehiagorik jokatu.
Azkenik gure atal kuttunetako izango dugu, historikoak. Gaur Melchor Mauri txirrindulari Kataluinarraz arituko gara, bere plamaresa gogoratzeaz gain gaur egun zertan dabilen jakin nahi baduzue ez galdu gure saioa 20.00tatik aurrera!

Kaixo entzule maiteok!
Eguraldiak laguntzen ez badu ere gaurkoan beste Izerditan Blai saio bikain bat prestatu dugu zuentzako. Eguraldi honekin etxetik edota udaletxe paretik entzun dezakezue gure saioa, udaletxe parean gaur arratsaldean 18.00tatik aurrera Labi eta Xaporrari elkartasuna adierazteko aukera paregabea duzue. Gu bertan egon ez arren beraiekin bat egiten dugu lerro hauen bitartez eta 20.00tatik aurrera eskainiko dugun saiorekin uhinen bitartez.

Saioren inguruan esan lehen atalean emaitzak izango ditugula, oro har ez da jardunaldi oso ona izan zarauzko taldeentzat, garaipen gutxi egon baitira. Surfean Koroa hirukoitzeko lehen txapelketa amaitu da eta Joel Parkinson izan da garaile, bigarrena Oneill World Cup of Surfing gaur hasiko da Hawaiko uretan.

Hondartzako futbolak ere bere tartetxoa izango du igande goizez jokatu baitziren partidak eta asteburu honetan ere beste jardunaldi bat izango dute larunbat arratsaldean.

Azkenik aste honetan zarauzko kirolariei eskainiko diogun tartean bi pilotari izango ditugu hizketa gai, aski ezagunak diren Jokin Argote eta Javi Oteiza. Hau guztia zarautzko irrati libre bakarraren sintonian, Arraio irratian!

Kaixo entzule maiteok!
Hemen gara beste asteazken bat gehiagoz zuei saio berri bat eskaintzeko intentzioarekin. Gaurkoan saioaren lehen zatian beti bezala emaitzak izango ditugu, hemen azpimarratu behar da areto futbolean oriotarren aurrean lortutako garaipena.

Bestetik surfa aipatu behar dugu, hawaien Reef Hawaiian Pro ari baita ospatzen, Koroa Hirukoitzeko lehen txapelketa hain zuzen ere. Gure ordezkariek ez dute zorterik izan oraingoan, ea bigarrengoan hobeagoa duten.

Larunbaten izan zen III. Emayonk lori pala txapelketako finala ere aipatuko ditugu nola ez, baita ondorengo bazkari bikaina ere.

Azkenik egunero maratoi bat egin duen Ricardo Abad naparraren gora berak kontatuko ditugu, hau izango da hilabete honetako gure bitxikeria. Beraz badakizue galdu ezinezko zita 20.00tatik aurrera Arraio Irratian!