Press "Enter" to skip to content

Kategoria: Izerditan blai

Aurtengo programazioa prest dugu!!

arraio arraio
2018-10-26

Arraio Irratiaren 13. denboraldikobprogramazioa prest dugu eta nobedade askorekin gatoz gainera!!

Aurreko denboraldiko BAPATEKO UNIBERTSOA, ZARATAZARAUTZ, IZERDITAN BLAI, ATALKA ETA AHUNTZAREN GAUERDIKO EZTULA irratsaioaz gain, saio berriak edukiko ditugu gurean:

GALDE DEBALDE: astelehenero, 21:30etik aurrera. “Lagunen arteko eztabaida klasiko, ez hain klasiko eta surrealistak”. “Iritzi edota paranoiei izen-abizenak edo ezizenak jartzera gatoz”.

KOSTA KASTA: hileko azken asteazkenean, 19:00etatik aurrera. “Ikastolako ikasleek grabaturiko irratsaioa, beraien kezka, galdera eta gai ezberdinen inguruan”.

ITHAKA UKATUZ: asteazkenero, 21:30etik aurrera. “Munduan barrena bidaiatzeko parada ezin hobea izango dugu, modu didaktiko batean ezagutzeko ditugun txoko eta bazter berezien istorio, ezkutaleku, usain eta soinuak begiztatuz”. Saioa azaroaren 7an hasiko da.

HANKAK LURREAN ostegunero, 19:30etik aurrera. “Lurraren gaineko irratsaioa, gure elikagaiak, ohiturak eta paisaiak, alternatibak eta sendagaiak”. Azaroaren 22an hasiko da irratsaioa.

Getariako Keta Shark saskibaloi taldea bihar gela arroxean

izerditan blai izerditan blai
2018-10-23

Podcast: Play in new window | Download

Kaixo entzule maite!

Aurreko astean agindu bezala, biharkoan Getariako Keta Kirol elkarteko BabyAuto Shark taldeko partaideak izango dira gurean. Udan zehar zurrumurru andana egon da talde honen inguruan, frankizian Zarauzko Kirol Elkartean tokirik ez zuela eta erbestera jo behar izan dute.Kontu honen gora beherez gain denboraldi honetan duten erronken berri izango dugu.

Ez da ahaztu behar playerotako 3. jardunaldia ere ate joka izango dugula, beraz, gonbidatuekin kiniela egingo dugu, anima zaitez gure kinielan parte hartzera!

Hau dena beti bezala, asteazkenean 20.00tatik aurrera FMko 99.3an!!

Ager Jiu-jitsu borrokalaria eta taldeen emaitzen errepasoa

izerditan blai izerditan blai
2018-10-17

Podcast: Play in new window | Download

Kaixo entzule!

Gaurko saioaren lehendabiziko zatian herriko taldeen emaitzak errepasatuko ditugu. Jada herriko kirol talde gehienak beraien ligak hasi dituztenez aurreneko txanpa zer moduzkoa izan duten aztertuko dugu.

Saioaren bigarren zatian Ager etorriko da gela arroxera. Orain urte batzuk judoaren mundua ezagutzen lagundu zigun eta oraingoan Jiu-jitsuaren nondik norakoak argituko dizkigu.

Beti bezala zaio zinez interesgarri hau entzuteko sintonizatu 20.00tan Arraio Irratia, FMko 99.3an!!

Getariko mendi duatloia eta playeroak gaurko saioan

izerditan blai izerditan blai
2018-10-10

Podcast: Play in new window | Download

Iepa kaixo!

Gaurko saioan Getariko II. mendi duatloiari eskainiko diogu lehendabiziko zatia. Pedro Ayestaran antolatzailearekin arituko gara larunbat arratsaldean lehiatuko den proba honen nondik norakoen berri izateko.
Bigarrengo zatian playeroen lehendabiziko jardunaldia errepasatzeaz gain, bigarreneko kiniela ere egingo dugu ostiral honetan jokatuko baita. Denbora izanez gero beste zenbait albiste ere jorratuko ditugu. Beraz badakizu, ez hutsik egin eta sintonizatu Arraio Irratia 20.00tan FMko 99.3an!!

Playeroak eta emaitzen errepasoa gaurko saioan

izerditan blai izerditan blai
2018-10-03

Podcast: Play in new window | Download

Kaixo entzule maite!

Gaurko saioko gairik garrantzitsuena hondartzako futbola edo playeruak izango da. Jakingo duzuen bezala igande honetan hasiko da 75. ekitaldia eta kiniela egiteaz gain izena eman duten talde zahar zein berrien azterketa ere egingo dugu. Zorte apur batekin antolakuntzako kide bat ere bertan izango dugu aurtengo urtemuga bereziaz jarduteko.

Bestalde, larunbatean ospatu zen Euskal Kostako bigarren edizioa eta bertako emaitzak gogoratuko ditugu, herriko beste taldeek egindakoarekin batera. Beraz badakizu, ez galdu gaurko saioa eta sintonizatu Arraio irratia 20.00etan FMko 99.3an.