Press "Enter" to skip to content

Kategoria: Atalka

URTARRILAREN 13ra arte ATALKA berririk ez

human_rights human_rights
2010-12-22

Kaixo lagunok! Urtarrilaren 13 artean ATALKAk ez du saio berririk eskeiniko. Ez tristetu dena dela: denboraldi berri honetako hasierako saioak entzuteko aukerarik izan ez zenutenok, gozatu ahal izango baituzue ondorengo 3 aste hauetan. Eta nola ez, abisatuko dizuegu aste bakoitzean zein irratsaio emitituko dugun, hemen bertan, arraio irratiaren web orrialdean. Ostegun honetan, Zarautz 0 Zabor taldeko kideei eginiko elkarrizketa eskeiniko dugu hain zuzen.

ATALKArion partez, gozatu egun hauek (hauek eta urtearen 365ak) eta urtarrilaren 13an itzuliko gara zuzeneko elkarrizketa gehiagorekin, ordura arte!

Pagoeta Mendizale elkarteko lagunak Atalkan

human_rights human_rights
2010-12-15

ATALKAk, denboraldi honetako elkarrizketa formatuarekin dirau herriko pertsona nahiz talde ezberdinak Arraiora ekarri eta elkarrizketatuz. Ostegun honetan, Pagoeta Mendizale Elkarteko kideak etorriko zaizkigu taldeari buruz hitz egiteko.

Bestalde, Arraio irratiak ere prest ditu berritasun eta aldaketa zenbait eta horiek ere haipatuko ditugu.

Ostegunean beraz, PAGOETA Mendizale Elkartearen iragana, oraina eta geroa entzungai, Arraio irratiko ATALKA irratsaioan.

Txiliku Atalkan

human_rights human_rights
2010-12-01

Zarautzen bada makina bat idazle, eta herritar ezberdinak arraiora ekarri eta elkarrizketatzen gabiltzan honetan, aste honetakoan, Jesus Mari Olaizola – TXILIKU izango dugu gonbidatu ATALKAn.

Bere ibilbide pertsonalari jarraiki, literaturaren itsasora jauzi egingo dugu eta idazle ofizio-afizioari buruzko kontuak aireratuko ditugu. Txilikuk oraintxe argitaratu berri ditu bere azken literatu frutua (Euskal mitologiako kondairak haurrentzat) eta horiei buruz ere mintzatuko gara. Bestalde, Joxan Ormazabal omentzeko tartea ere hartuko dugu.

Ostegun honetan beraz, gaueko 22’00etatik 23’00tara, Txilikuri errepasoa.

human_rights human_rights
2010-11-24

Aste honetan, Zarauzko ARKAMURKA taldeko kide den Aitziber Sarobe izango dugu gonbidatu ATALKAn.

arkamurka-blog.jpg

Aski ezaguna izango duzue seguruenik bai Arkamurka eta baita Aitziber ere, baina ziur oraindik badirela natur taldeaz jakiteko nahiko istorio. Arkamurkak badu nahikoa historia eta pisu Zarautzen eta hauek eta bestelako kontuak astinduko ditugu oraingoan.

Bestalde, gonbidatuak, astero lez, gustuko 3 kantu ekarriko dizkigu eta horiek ere entzungai, beti bezala, osteuean, gaueko 22’00etan punttuan!”

EHNEko kideak atalkan

human_rights human_rights
2010-11-03

Itzuli ginen eta hemen gara aste honetan ere. Oraingoan, Zarauzko Arkamurka taldeak antolaturiko 31. Natur-Astearen baitan izandako hitzaldi bat izango dugu entzungai.

Hitzaldia, EHNE-ko (Euskal Herriko Nekazarien Elkartasuna) kide batek eskeini zuen, 1.sektorearen ikuspuntutik, daukagun edota galdu dugun bioniztasuna mantendu, berreskuratu edota gehitzeko gure lurraldeak nola garatu beharko lukeenari buruz. Arraiozaleok adi beraz: ostegunean 22’00etan, ATALKA. Gusto baduzue.

belarrak-eta-hesiak.jpg