Kategoria: Ahuntzaren Gauerdiko Eztula

Podcast: Play in new window | Download

Igande hontan, Apirilak 10, atzera joko dugu aurrera egin ahal izateko.

Itoitz-ko urtegiaren aurkako ekintza zuzen sonatuena ekarriko dugu gela arroxera, ekimenean parte hartu zuen Julio Villanueva solidarioaren ahotik. 22’etatik aurrera zuzen zuzenean tfnoaren beste aldean izango dugu Julio.

22’ak bitartera berriz, asteak eman diguna izango dugu hizpide eta tartean, Ekhiñe Eizagirre (gure Eki maitia) preso zarauztarrak argitaratu berri duen “Alde erantzia nabil” poema liburuaz arituko gara.

Ez galdu gaurko irratsaio eleante hau

Adiorik ez, 21’rak arte baizik!!

Podcast: Play in new window | Download

Kaixo ahuntzok!

Udaberriko oporretako atsedenaldiaren ondoren, bueltan da berriz ere Ahuntzaren Gauerdiko Eztula. Aste honetarako ere gai interesgarri bat dakarkigu gela arroxera: desobedientzia. Lege injustuen eta errepresioaren inguruan askotan aritu izan gara horri buruz, baina ez hainbeste eguneroko ohitura txarrekiko desobedientziaren inguruan. Bizitza erdigunera ekartzeko desobedientzia, kapitalismoaren logikak alboratzekoa. Bide horri heldu dio Lurralde Askea ekimenak, bizimodu onaren Euskal Herria eraikitzeko komunitate desobedienteak. Axier Lopez izango dugu gurekin proiektu honen inguruan hitz egiteko.

Eta hari horri tiraka, beste hainbat gai ere jorratuko ditugu. Troikaren aurkako protestengatik epaiketak, Andres Bodalo SATeko kidearen espetxeratzea, eta askoz gehiago. Ez galdu! Astero gisan, 21:00etatik aurrera Arraio Irratian! FM 99.3!

 

Podcast: Play in new window | Download

Tourette sindrome ezezagunaz aritu ginen igande berri hontan, gaixotasun hau sabaldu asmoz sortu berri den elkarteko kide den Eliren ahotik.

Bestetik, Martxoak 19an Gasteizen burutuko den Arrosa Sareko 5. jardunaldiaz aritu ginen bertako kide den Jonekin.

Eta bukatzeko, Torreoia Bizirik-eko kide bat izan genuen tfnoaren beste aldetik larunbat hontan antolatu duten auzolanaren inguruan solastuz.

Ah!! Eta azkenean, Ahuntzaren kuña berria entzuteko aukera ere izan genuen. Al loroooo

Ez galdu irratsaio honen grabaketa.

Adiorik ez,apirilak 3 arte baizik!

Merezitako oparraldiak Bai hoixeeeee

Podcast: Play in new window | Download

Igande hontan errefuxiatuei laguntzeko sortu berri den Zarautz Hotz taldeko kide diren Agate eta Ximon izango ditugu gela arroxean.

Eta bestetik, Martxoak 8, emakumeen nazioarteko eguna aitzaki, BidezBide emakume atzerritarren taldeko kide den Soraiarekin izango gara.

Hau dena, 21’etatik aurrera 99.3an

Igande hontan, Otsailak 28an, Borrokaren oroimenean murgilduko gara.

Hasteko, Martxoak 3 elkarteko kidea den Lander Gartzia izango dugu tfnoaren beste aldean.

Ostean, Herri ekintza elkarteko kidea den Urkirekin solastuko gara. Hauek, 1976ko Martxoaren 3ko esentzia ideologikoa, gaurko errealitatera ekarri nahi dute. Borroka baten oroimenari, ezin baitzaio atzera begiratuta soilik eutsi.

Eta bukatzeko, Pasaiako sarraskia izango dugu hizpide, zoritxarrez. 32 urte eta gero epaileak auzia artxibatzea erabaki baitu berriro ere.

Ez omen dago aski frogarik.

Hontaz aritzeko, Santi Gonzalez abokatuarekin izango gara zuzen zuzenean.

Hau dena, igandean 21’etatik aurrera… Estatuari gerra! Beti!