Zarauzko irrati askea
Gaur Putzuzulon egingo den III. Kopla txapelketa Arraio irratiaren bidez entzun ahalko da. Gaueko 22:00etatik aurrera izango da kopla saioa eta FMko 99.3tik entzun ahalko du Gaztetxera azaldu ezin duenak.
Euskarastearen ekimenen barruan gaur gauean oholtza gainean izango ditugunak, Andoni Egaña, Aitor “Blues”, Maialen Lujambio, Julio Soto, Igor Elortza, Manex Agirre, Harkaitz Estiballes, Arrate Illaro, Luis Otamendi eta Estitxu Eizagirre izango dira.
Podcast: Play in new window | Download
Halaxe da lagunok, izan ere, gabonak badatoz……..ikuskizuna hastera doa! Eta honen inguruan arituko gara bosgarren saio honetan.
Gogoratu, zuek ere, gaiaren inguruko ezer komentatu nahi izanez gero zuzenean parte hartzeko aukera izango duzuela.
Eta betiko lez, hainbat erremedio, gogoeta errezeta eta bestelakotarako parada Atalkan.
Ez galdu gero!.
Iepa kaxo!!
Tenperaturek laguntzen ez duten arren gaur ere Izerditan Blai irratisaioa izango duzue entzungai. Egun hotzetan berotzeko aukera egokia da kirola egitea edota kirol irrati saioa entzutea. Gaurkoan asteburuan izan ditugun partiden berri emango dugu, betikolez. Aipamen berezia eginaz saskibaloi taldeari 11 garaipena erreskadan lortu dituztelako.
Futbolean, gizonezkoen preferente mailan, taldea bolada onean dabil, hau ere mintzagai izango dugu nola ez. Baita hondartzako futbola ere, jardunaldi berri baten atarian baikaude.
Azkenik surf izango dugu, jada denboraldia bukatu baita. Bart gauean amaitu da Pipelineko Koroa Hirukoitzeko froga, Aritz Aranburu WQSen arituko da urrengo urtean, Mick Fanning-ek irabazi du munduko txapelketa ta Joel Parkinson izan da Koroa Hirukoitzeko txapeldun.
Beraz badakizue, kirolaren inguruko beste saio interesgarri bat 20.00tatik aurrera Arraio irratian 99.3an, zarauzko irrati librean!!
Aste honetan, Putzuzulo Gaztetxean ospatuko diren Euskarasteko jardunaldietan Arraio Irratia ere egongo da. Kopla txapelketa zuzenean FMtik emititzeaz gain, aste barruan burutuko diren hitzaldi batzuk ere emitituko ditu.
Esate baterako, gaur arratsaldeko 19:00etatik aurrera Jose Angel Aldai, Garabide elkarteko kideak eman behar duen hitzaldia, Arraioko uhin libreetan entzun ahalko da. Oraindik ez gaude ziur, asteazken eta osteguneko hitzaldiak emititu ahalko ditugun, baina saiatu behintzat saiatuko gara.
Honez gain, Arraio irratiaren neguko programazioa ere aurkeztuko dugu larunbat goizean, Santo Tomas egunaren harira Foru Zaharren enparantzan burutuko den azokan. Goizeko 10:30etatik aurrera, giroa berotzen egongo gara bertan eta gure neguko programazioaren nondik norakoez hitzegingo dugu.
Podcast: Play in new window | Download
Aurreko asteko hutsaren ondoren, osasunez lepo itzuli gara igande hontan. Jardinero bere betiko efemeride libertarioekin etorri zitzaigun eta gero baita ere, asteari errepasotxo labur bat egin genion. Noski, bertsolaritzaz ere aritu ginen, hirurok txapela buruan genuela. Aupa Maialen!!!
Honen ostean, Haimar Arozena, Parisen preso daukaten Zarauztarraren inguruan aritu ginen. Abenduaren 16an, asteazkenean izango da epaitua eta bisitan joaten zaion bere lagun batekin aritu ginen telefonoan bitrtez hitzegiten. Asteazkenean Malintxe eta Edonato bertan izango dira eta hurrengo igandean epaiketraren berri izango duzue.
Gero, 22’00etatik aurrera Zarautz Egunkariaren alde taldeko kide bat izan genuen gonbidatu bezala. Noiz sortu zen, zein ekimen in izan diren, aste hontako epaiketa, hurrengo ekimenak… etab-taz aritu ginen.
Internazionalismoaz ere aritu ginen, baina Askapeñakoen laguntzarik gabe. Beno ba, hurrengo igandean kolaboratzaile batzuk izango ditugu eta baita gonbidatu berezi bat ere.
Iganderarte! Osasuna!!
