Zarauzko irrati askea
Podcast: Play in new window | Download
Kaixo launak,
Bitakoran heriotza eta bizitzan arteko bidexka ixtuan bidaiatzen dabiltzan bi laun hauei eskeinitako kantak, hitzak, maitasuna… azken finian arraioko uhin librian bidez indarrrrra iritsi zan. Entzun, bihotza uzkurtu eta  zuen indar uhina ere bidali bi lagunon bihotzeta, danan arteko uhinakin ateako dia ta!!
Eutsorrei Juanmi! Eutsorrei Iban! Beti? BEEETTTiIIII, EEEHHH!!!
Entzun nahi baezu, klikatu esteka hontan:Â iban eta juanmiri indarra
Podcast: Play in new window | Download
Iepala!!
Igande hontan urritizkina, tlfnoa bai, izan genuen sutan. 5 elkarrizketa izan genituen. Alde batetik, Bartzelonan aurkitzen den Fernandorekin, zein komunikabide komisioko kide den, aritu ginen luze eta zabal Kataluñako plazan burutzen ari den akanpaldian inguruan. Asanbladan antolakuntza, horizontaltasuna nola eraman hainbeste pertsona ezberdinen artean, larunbateko “garbiketa”,…
Honen ostean aski ezaguna dugun Miren “Mondra”rekin izan ginen, igande hontan homenaldi bat egin baizitzaion herriko plazan.
Gaur Arrano dena, lehen Mondragones izan zen eta honen ibilbideaz aritu ginen. Hango tortila patata mitikoak, itxierak, Telesforo Mojonen bixita, eta beste mila kontutaz aritu ginen. Oso gustora, bai bera bai gu.
Bita ere Labin inguruko berriak izan genituen eta Azpeitira ere joan ginen Larunbateko presoekiko Elkartasun eguna nola joan zen jakin nahian.
Betiko kontuk ere izan genituen, noski.
Eta hurrengo igandean baita ere bizpairu gonbidatu ezberdin izango ditugu, baina kasu hontan fisikoki Arraio irratiko gela arrosean.
Ale ba, Adiorik ez, Iganderarte baizik!!!!
Podcast: Play in new window | Download
Gaur goizean, Gorka Juliorekin interneten inguruko erabileraz egindako hitzaldia entzungai duzue iada, podcastean klik eginaz:
Kaixo lagunok!!! Beste ostiral dantzagarri bat dugu gainean. Gaurkoan nobedade ugari izango ditugu, alde batetik house doinuak DUALTON, DEETRON, eta THE REVENGE bezalako jendearen eskutik. Eta bestetik, DOMINIK EULBERG handiaren diska berria primizian!! Diorama izeneko marabilla bat kaleratu berri du eta beste iñon baina lehenago Kaiolatik saioan entzungo duzu, Arraio Irratian!!! Zuen zain geratzen naiz!!! UP THE KAIOLS!!!
Maiatzaren 28an, goizeko 10etatik aurrera, Zarauzko Putzuzulo Amets Fabrikan hausnarketa eguna antolatu dugu.
* Helburua: interneten erabileraz hausnarketa egin eta sarean katibu ez geratzeko tresnak zein diren azaltzea.
* Egitaraua: Goizeko 10etatik kafe ordura arte, Gorka Juliok interneten inguruko erabileraz gogoeta egin eta aholku batzuk emango ditu. Guzti hau Arraio Irratiak zuzenean emitituko du FM eta internet bidez. Kafearen ostean, planteatutako puntuen inguruko hausnarketa eta eztabaida egingo dugu, elkarrekin adostasun batera iristeko.
Bazkalostean, sare sozialen erabileraren inguruko hausnarketa egitekotan gabiltza. Nola askatu Facebook eta Twitterrenaganako dependentziatik? Zein beste sare dauzkagu eskura? Batez ere Gorka Juliok IEB11n planteatutakoaren gaineko eztabaida eginez.
* Norentzat. Goizekoa interneteko erabiltzaile arrunt ororentzat, internet kontzienteki erabiltzen ikasteko: zerbitzari bat alokatzen ikasi eta bertan posta eta informazio kudeatzeko lan tresnak nola erabili erakusteko, besteak beste. Bazkalostekoa sare sozialen inguruko erabileraz hausnar egin nahi duen ororentzat.
Animatzen bazara, idatzi zergatik [at] goraprotoiak [dot] com helbidera. Adierazi bazkaritara gelditzeko asmorik duzun.
