Press "Enter" to skip to content

Egilea: izerditan blai

Gaur ez da Izerditan Blai-rik izango

Kaixo lagunak!
Gaurko egunez ez dugu Izerditan Blai saiorik egingo, lan taldeko kide batzuek asteburuan Xixonen duten kirol konpromezua prestatu behar dutelako. Honetaz gain gaur 20.00tan kalera ateratzeko deia egiten dugu Labi ta Xaporrari elkartasuna adierazteko, aupa zuek!!
labi ta xaporra snt barbaran

Guk ez dugu festa santurik!

Iepa kaxo!
Gure ateo izaera praktikan jarriz gaur ez dugu jairik hartuko. Festa kiratsa duen asteazken honetan futbola izango da gure gaurko gai nagusia. Asteburuko emaitzak errepasatuko ditugu betikolez Ondoren asteburuan jokatu diren hondartzako futbol txapelketako kopako garaileak izango ditugu, Zubi Ondo Erretegiko eta Kirkilla Enea jatetxeko kapitainak izango dira gurean.

Honetaz gain abian dugun futbito txapelketari ere errepaso bat emango diogu. Txapelketaren erdira iritsi garen honetan atsedena hartuko dugu partaide guztiok hurrengo pare bat astetan. Honela ditugu sailkapenak: sailkapena

Badakizue asteazken gaua goxatze aldera Arraio Irratia sintonizatu eta gozatu kirol saio fresko honetaz!!

Gaur inoiz baino gehiago, Izerditan Blai!

Kaixo entzule maiteok!
Gaurko eguraldiarekin ziur naiz zuotako asko izerditan blai egon zaretela, gu ere horrela ibiliko gara gaurko saioan. Gaurko prestatu dugun saio interesgarria da zinez, lehendabizi emaitzak emango ditugu, bereziki azpimarratuz eskubaloiko talde guztiek irabazi dutela. Aipatzekoa da ere saskibaloian gizonezkoek igoera fasea garaipen garrantzitsu batekin hasi dutela.

Playerotan ere badakizkigu zeintzuk diren finalistak, honen inguruan ere luze ta zabal jardungo gara. Hondartzan jarraituz Australia aldera joko dugu bertan jokoan den Drug Aware Pro 2011 txapelketaren berriak zuenganatzeko.

Hau guztia nahikoa ez balitz futbito txapelketa errepasatuko dugu, lehenengo partiduak jokatuta faborito bat edo beste agertu baita. Beraz badakizue ez galdu gaurko saioa beti bezala 20.00tatik aurrera!

Hasi da Izerditan Blai-k antolatutako futbito txapelketa

Iepa kaixo!

Lehenik eta behin eskerrak eman nahi dizkizuegu Arraio Irratiaren 5. urteurrenaren baitan Izerditan Blai irratsaioak antolatu duen futbito txapelketan parte hartu duzuenoi. Lerro hauen bitartez txapelketaren arauak zeintzuk diren eta talde bakoitzak izango duen egutegia jakinari nahi dizkizuegu. Atzoko aurkezpenean talde gehienak egon arren batzuk falta zirenez beherago irakur dezakezue txapelketaren araudia eta formatua eta hemen futbito_egutegiaexcel-eko formatuan.

LEGEDIA
-Partiduak 20 minutuko 2 zatiz osatuko dira (denbora ez da geratuko)
-Partiduak institutu zaharrean (belar artifizialean EZ) eta zelai-ondon (poligono) izango dira, azken honetan alboko sakea baloiak lehengo koxka gainditzean izango da.
-Atezainak eta 4 jokalarik jolastu ahal izango dute, aldaketak edozein momentuan egin ahalko dira.
-Futbol 11ko arauak izango dira jokoz kanpokoa kenduta.
-Epailerik ez da egongo, bi taldeen artean pitatuko da, adostasunik ezean antolakuntzak jarritako anotadoreak hartuko du erabakia. Hau ahalik eta ondoen eramateko parte hartzaileen laguntza eskatzen dugu. Anotadoreak txartelak izango ditu behar izan ezkero erabiltzeko.
-Garaipenak 3 puntu ematen ditu, berdinketak 1 eta porrotak 0.

FORMATUA
-Partiduak astelehen eta ostiraletan izango dira 18.00tan eta 19.00tan ordua baino lehen bertan egotea gomendatzen dugu puntual hasteko partida guztiak.
-5 taldeko 3 multzo daude, multzo bakoitzeko taldeek beren artean denek denen aurka jolastuko dute itzuli batera.
-Talde bakoitzeko 2 onenak final laurdenetara pasako dira, 3. postuan geratu direnek triangular bat jolastuko dute, hemen azkena geratzen dena ez da final laurdenetara igaroko.
-Berdinketen kasuan:
Bi taldeen arteko gol averagea( Triple enpatean liga partikularra).
Gol average orokorra.
Gol gehien sartu dituena.

Talde bakoitzaren elastikoa gogoan izan bi taldek berdina izan ezkero kanpoan jolasten duen taldeak beste kolore bat hartu beharko baitu

A)
1. Anfeti de bilbau (gorria)
2. OGD (beltza)
3.ARG revolution (Oria/beltza)
4. ARG old stars (Oria)
5. Gadafiren harena (beltza)

B)
1. Ametsa (urdiña)
2. Rocky Fookey (gorria)
3. Bombas Itur (gorria)
4. Ulacia (zuria)
5. Arrayo Vallekano (zuria marra gorriakin)

C)
1. Juli-Juli (zuria)
2. Paraolinpiakos (beltza)
3. Talai-mendi kanpiña (berdea)
4. Smooth Criminal Kri kri (berde pistatxo)
5. Putzuzulo Futbol Fabrika (beltza)

Zalantza, galdera edota beste zerbaitegatik gurekin harremanetan jarri nahi izan ezkero beldurrik gabe idatzi gure helbidera: izerditan@arraio.net Izerditan Blai irratsaioak jarraipen berezia egingo du. Irratsaio hau asteazkenero 20.00tatik aurrera da eta errepikapena ostegunean 9.00tatik 10.00tara entzun dezakezue Arraio Irratian, FM-ko 99.3an. Ondo pasa eta gozatu txapelketaz, parte hartzen edota ikusle modura.

Xabier Mikel Errekondo Izerditan Blai saioan

Kaixo lagunak!

Asteazken honetarako saio bikain bat prestatu dugu. Beti bezala lehenengo zatian zarauzko taldeen emaitzak bixi-bixi ematen saiatuko gara.

Aste honetan gainera eskubaloiko taldeek emaitza pozgarriak utzi dizkigutenez kirol honetan palmares ederra duen jokalari handi bat etorriko zaigu, Xabier Mikel Errekondo. Askok Usurbilgo alkate bezala ezagutuko duzuen arren eskubaloian makina bat urtez ibili da beti ere goi mailako taldeetan, Bidasoan, Teka Cantabria, Portland San Antonio edota Leongo Ademar. Bere ibilbidea hobeto ezagutzeko aukera izango dugu luze ta zabal jardungo baikara galderak eginez.

Zuek ere parte hartu nahi baduzue ez hutsik egin, asteazkean 20.00tatik aurrera Arraio Irratian
Xabier Mikel Errekondo ta Urdangarin