Press "Enter" to skip to content

Egilea: izerditan blai

Triatloia izango da gaurko gai nagusia

Iepa kaxo!
Hemen gara berriz ere, aurreko astean kale egin genuen interneterako loturarik gabe aurkitzen ginelako Arraio Irratiko egoitza nagusian, barkamenak eskatzen dizkizuegu bihotz bihotzez. Gaurkorako saio eder bat prestatu dugu, lehendabizi maiatzak 20an jokatu zen futbito txapelketa izango dugu izpide, giro bikaina ta norgehiagoka are hobea ikusi genuen.

Ondoren Xabier Garate triatloilaria elkarrizketatuko dugu. Codeam taldeko partaide da bera ta azken urteotan triatloi munduan buru belarri dabil. Gainera zarauzko triatloia ekainaren 11ean izango denez honen inguruan ere mintzatuko gara.

Beti bezala, 20.00tatik aurrera FMko 99.3an topatuko gaituzue nahi baduzue, gero arte!!

Final handia ostiralean 18.30tan poligonon

Iepa kaxo!
Arraio Irratiak 5 urte betetzen dituen egunean Izerditan Blaiko kideok antolatutako futbito txapelketaren finala jokatuko da 18.30tan Poligonon. Hau maiatzak 20an izango da, ostirala, beraz badakizue ez galdu aukera giro paregabeaz gozatzeko.

Honez gain gaurko saioan herriko taldeak izango ditugu hizketa gai, saskibaloian emakumezkoek ezin izan zuten igoera lortu finalean galdu zutelako, gizonezkoak igoera fasean lehengo geratu dira aste honetako partidua irabazi ostean.

Surfean ASPko froga berri bat dago jokoan Brazilen, Billabong Rio Pro hain zuzen ere, honen berri ere mango dizuegu tartetxo batean.

Azkenik gure lasterketa kuttunari errepaso bat emango diogu, Italiako Giroari hain zuzen. Lehengo astea pasata gauzak argitzen ari dira. Oraindik ibilbide asko geratzen da, mendate beldurgarriekin, gure pronostikoa egiten saiatuko gara.

Gaur 20.00tatik aurrera aukera bikaina duzue Arraio Irratia sintonizatu eta irratsaio eder batez gozatzeko, on egin!

Saskibaloi jokalariak gaur Izerdintan Blai-en

Iepa kaxo!!
Aste honetarako prestatu dugun saio eguraldia bezala, primerako izango da. Gaurkoan igoera lortu berri duten Leihoak Zarautz taldeko hiru kide izango ditugu, beren kapitain Izotz Barrio, Eneko Landa eta Iker Lizarriturri beteranoa. Hauek lortu dutena ez da nolanahikoa, iaz liga autonomikora igo eta aurten ere mailaz igo.


Honez gain gure saioan betiko lez herriko taldeen emaitzak emango ditugu, futbolean gizonezkoek 3. mailan beste urtebetez egoteko balioko dien garaipen garrantzitsua esaterako.

Azkenik azken txanpan den futbito txapelketari helduko diogu. Astelehena jokatu zen final laurdenetarako azken txartelak lortzeko repeskako triangularra. Honela geratu ziren:
1, 2, 3, 4 Anfeti de Bilbau 5 Ulacia 1
Ulacia 2 Smooth Kriminal kri kri 1
1, 2, 3, 4 Anbeti de bilbau 3 Smooth Kriminal kri kri 4

Beraz, final laurdenetan arituko diren taldeak 1, 2, 3, 4 Anfeti de Bilbau eta Smooth Criminal Kri kri izango dira. Gogoratu nahi dizuegu final laurdenak ostiral honetan, maitzak 13 jolastuko direla Institutuan eta Poligonon 18.00tan eta 19.00tan. Final erdiak astelehenean, maitzak 16 Poligonon jokatuko dira 18.00tan eta 19.00tan. Azkenik final handia maiatzak 20an, ostirala izango da 18.30 tan Poligonon.

Hauek izango dira final laurdenetako partidak:

Maitzak 13 ostirala:
Institutoan

18.00 Paraolinpiakos vs Smooth Criminal Kri kri
19.00 Ametsa vs 1, 2, 3, 4 Anfeti de Bilbau
Poligonon
18.00 ARG Revolution vs Talai-Mendi
19.00 ARG Old Star vs Hor Konpon

Koadroa berriz hau da:

Paraolinpiakos vs Smooth Criminal Kri kri
vs
ARG Old Star vs Hor konpon

Ametsa vs 1, 2, 3, 4 Anfeti de bilbau
vs
ARG Revolution vs Talai Mendi

Espero dugu txapelketa orain arte bezala ederki joango dela, den den zalantza edo galderarik izan ezkero lasai asko galdetu. Ondo izan eta zorte on denei!!

Ligaxka amaituta kanporaketak hasten dira futbito txapelketan

Iepa kaixo!

Izerditan blai-ko kideok Arraio Irratiaren 5. urteurrenaren baitan antolatu dugun futbito txapelketa aurrera doa. Ligaxkako partiduak jolastu ostean jada kanporaketan ordua iritsi da, honela geratu da sailkapena . Astelehen honetan triangularra izango dugu Zelai Ondon, 1, 2, 3, 4 Anfeti de Bilbau, Ulacia eta Smooth Criminal Kri Kri taldeen artean. Hemendik bi taldek egingo dute aurrera eta ostiralean hasiko diren final laurdenetan parte hartzeko aukera izango dute.
Azken txanpan sartu da futbito txapelketa, beraz badakizu astelehen eta ostiraletan etorri animatzera eta Arraioren 5. urteurrenean parte hartzera!

Eskubaloiko bi jokalari gaur Izerditan Blai saioan

Iepa kaxo!
Hemen gara berriz ere, aurreko astean huts egin eta gero gaur arratsalderako saio bikain bat prestatu dugu. Azken aldian aipatu genuen bezala gizonezko seniorrek ohorezko b mailara igotzeko lehen fasea jolastu berri dute Xixonen. Gaurkoan bi protagonista izango ditugu gurean, Urko Iruretagoiena eta Joseba Oliden. Astebukaera hau nola joan den esateaz gain denboraldiko balantze bat ere egingo digute.


Honez gain beste taldeen emaitzak ere aipatuko ditugu, futboleko 3. mailako taldeak lortutako garaipen garrantzitsua, eskubaloian emakumezkoen berdinketa eta mailara eustea eta saskibaloian gizonezkoek ordizian lortutako porrota.

Denbora ematen badigu California aldera ere joko dugu, bertan jokoan baita Nike 6.0 Lowers Pro txapelketa, Aritz Aranburu final 48renetan aurkitzen delarik.
Beraz badakizue sintonizatu Arraio Irratia 20.00tatik aurrera!